બોલિવૂડ અભિનેત્રી આલિયા ભટ્ટે 12 મેના રોજ કાન ફિલ્મ ફેસ્ટિવલ 2026ની ઓપનિંગ નાઇટમાં પોતાના ગ્લેમરસ અંદાજથી બધાનું ધ્યાન ખેંચ્યું હતું. જોકે, આ વખતે ચર્ચાનો વિષય માત્ર તેનો લુક નહોતો, પરંતુ રેડ કાર્પેટ પર બનેલી એક એવી ઘટના હતી, જેણે સોશિયલ મીડિયા પર ચર્ચા જગાવી દીધી છે.
કાન 2026 માં ફોટોગ્રાફરોએ આલિયા ભટ્ટને ઇગ્નોર કરી
વાયરલ થઈ રહેલા એક વીડિયોમાં આલિયા કાનના પ્રસિદ્ધ રેડ કાર્પેટ પર આત્મવિશ્વાસભેર ચાલતી જોવા મળે છે. તે સ્મિત સાથે કેમેરા સામે પોઝ આપે છે, ભીડ તરફ હાથ લહેરાવે છે અને ‘ફ્લાઇંગ કિસ’ પણ આપે છે. પરંતુ સોશિયલ મીડિયા યુઝર્સે નોંધ્યું કે ત્યાં હાજર કેટલાક આંતરરાષ્ટ્રીય ફોટોગ્રાફરોનું ધ્યાન તેની તરફ ઓછું હતું અને તેઓ આસપાસની અન્ય સેલિબ્રિટીઝને વધુ કવર કરતા દેખાતા હતા.
ચાહકોની પ્રતિક્રિયા
આ વીડિયો સામે આવતા જ ભારતીય ફેન્સ વચ્ચે ચર્ચા શરૂ થઈ ગઈ કે શું આલિયા ભટ્ટને ઇરાદાપૂર્વક ઇગ્નોર કરવામાં આવી રહી હતી. અનેક યુઝર્સે આ ઘટના પર દુઃખ વ્યક્ત કર્યું. એક યુઝરે લખ્યું, “આ જોઈને દિલ તૂટી ગયું.” જ્યારે બીજા એક યુઝરે કમેન્ટ કરી, “કોઈ તેમની તસવીરો જ લઈ રહ્યું નથી. તે થોડી અનકમ્ફર્ટેબલ પણ લાગી રહી છે, છતાં આખો સમય સ્મિત જાળવી રાખવું તેમની મજબૂત વ્યક્તિત્વ બતાવે છે.”
કેટલાક લોકોએ આલિયાના આત્મવિશ્વાસની પ્રશંસા કરી, તો કેટલાકે આ પરિસ્થિતિને “શરમજનક અને અપમાનજનક” ગણાવી. એક અન્ય યુઝરે લખ્યું, “તે આખરે કોને હાથ લહેરાવી રહી છે અને કોને ફ્લાઇંગ કિસ આપી રહી છે? તેમનો આત્મવિશ્વાસ ખરેખર કમાલનો છે.”
આલિયાએ રેડ કાર્પેટ પર શું પહેર્યું?
આ વર્ષે લોરિયલ પેરિસની બ્રાન્ડ એમ્બેસેડર તરીકે કાનના રેડ કાર્પેટ પર ડેબ્યૂ કરનાર આલિયાએ ડિઝાઇનર તમારા રાલ્ફ દ્વારા ડિઝાઇન કરાયેલ લાઇટ પિન્ક કલરનું ગાઉન પહેર્યું હતું. આ સ્ટ્રેપલેસ ગાઉનમાં સ્ટાઇલિશ કોર્સેટ બોડિસ અને હાથની આસપાસ ડ્રેપિંગ હતું, જે તેના લુકને હળવો ભારતીય સ્પર્શ આપતું હતું.
ફ્રાન્સમાં શરૂ થયેલા ૭૯મા કાન ફિલ્મ ફેસ્ટિવલને લઈને આ વખતે ભારતીય ચાહકોમાં જબરદસ્ત ઉત્સાહ છે, કારણ કે એમાં ઘણી ભારતીય સેલિબ્રિટીઝ હાજરી આપવાની છે. જોકે ભારત માટે વર્ષો સુધી કાન ફિલ્મ ફેસ્ટિવલનો પર્યાય ઐશ્વર્યા રાય બચ્ચન હતી. ઐશ્વર્યા ૨૦૦૪થી વૈશ્વિક બ્યુટી-બ્રૅન્ડ લૉરિઆલની ગ્લોબલ ઍમ્બૅસૅડર તરીકે છેલ્લાં બાવીસ વર્ષમાં ૨૦થી વધુ વખત રેડ કાર્પેટ પર બ્રૅન્ડનું પ્રતિનિધિત્વ કરી રહી છે. જોકે આ વખતે ફેસ્ટિવલ શરૂ થાય એ પહેલાં જ એક વિડિયો સામે આવ્યો છે જેણે સોશ્યલ મીડિયા પર ફૅન્સનાં દિલ તોડી નાખ્યાં છે. હકીકતમાં આ વૈશ્વિક બ્યુટી બ્રૅન્ડે પોતાનો નવો પ્રમોશનલ વિડિયો રિલીઝ કર્યો છે. આ વિડિયોમાં કાનની ફેમસ હોટેલ માર્ટિનેઝની છત પરથી બ્રૅન્ડ સાથે જોડાયેલી ગ્લોબલ ઍમ્બૅસૅડર્સનાં મોટાં પોસ્ટર્સ લહેરાતાં જોઈ શકાય છે. આ પોસ્ટર્સમાં આલિયા ભટ્ટ તો દેખાય છે, પણ ઐશ્વર્યા ક્યાંય નથી દેખાતી. આ વિડિયો જોઈને ફૅન્સ વચ્ચે ચર્ચા થઈ રહી છે કે શું આલિયાએ કાન ફેસ્ટિવલમાં ઐશ્વર્યાને રિપ્લેસ કરી છે?
