26 September, 2021 04:46 PM IST | Mumbai | Gujarati Mid-day Online Correspondent
તસવીર/ટ્વિટર
પિતા-પુત્રી એક બીજા સાથે ખૂબ જ સરસ અને જાદુઈ બંધન શેર કરે છે. દીકરી જાણે છે કે તેના પિતા બેસ્ટ ગુપ્ત રક્ષકો છે અને તેમની માગણીઓની ક્યારેય `ના` નહીં કહે. પિતા માટે, પુત્રીઓ રાજકુમારી છે, જે તેમને ધીરજ અને કરુણા શીખવે છે. બદલામાં, પિતા તેના સ્વપ્નને હાંસલ કરવા, સફળ, સ્વતંત્ર અને મજબૂત વ્યક્તિ બનવા માટે તેની પુત્રીને સફળતાના માર્ગને અનુસરવા પ્રેરણા આપે છે.
આવું જ બંધન આપણે હિન્દી સિનેમામાં જોઈ શકીએ છીએ, જ્યાં પિતાએ તેમની પુત્રીને તેમના સપનાને અનુસરવા અને જ્યાં સુધી તે સફળ ન થાય ત્યાં સુધી પ્રેરણા આપી પ્રોત્સાહિત કર્યા છે. બોલિવૂડના ઘણા અભિનેતા એવા છે કે જેઓ તેમની પુત્રીની સાથે અડીખમ ઊભા રહ્યા અને આ આકર્ષક દુનિયામાં તેમનો માર્ગદર્શક બન્યા હતા. આજના દિવસે ઘણા સ્ટાર્સે પોતાની પુત્રી સાથેના બોન્ડ વિશે વાત કરી છે અને ડોટર્સ ડેની શુભેચ્છા આપી છે.
અમિતાભ બચ્ચનને તેમના અંગત જીવનની તસવીરો સોશિયલ મીડિયા પર શેર કરવાનું પસંદ છે. ડોટર્સ ડે નિમિત્તે તેમણે શ્વેતાને એક સુંદર ફોટો સાથે શુભેચ્છા પાઠવી અને લખ્યું, “હેપ્પી ડોટર્સ ડે. દીકરીઓ શ્રેષ્ઠ છે. અમિતાભ બચ્ચન ઉમેર્યું કે “બેટીયાં ના હોતી તો સંસાર, સમાજ, સંસ્કૃતિ, સબ કે સબ નદારત (જો દીકરીઓ ન હોત તો દુનિયા, સમાજ કે સંસ્કૃતિ ન હોત).”
સુનીલ શેટ્ટીએ તેની પુત્રી અથિયા શેટ્ટી સાથે સુંદર તસવીર શેર કરી અને તેને ડોટર્સ ડેની શુભેચ્છા પાઠવી હતી. તેણે લખ્યું કે “જન્મથી દીકરી. અત્યાર સુધીની શ્રેષ્ઠ મિત્ર !!!”
કુણાલ કેમ્મુએ ઇનાયા નૌમી કેમ્મુનો એક સુંદર વિડિઓ શેર કર્યો અને તેની પુત્રીને એક કવિતા સંભળાવી હતી.
ભાવના પાંડેએ તેની પુત્રી અનન્યા પાંડે અને રાયસા પાંડેના ફોટો શેર કરી લખ્યું હતું કે “લવ ઓફ માય લાઈફ!!! હેપી ડોટર્સ ડે.”
ડોટર્સ ડે પર રિદ્ધિમા કપૂર સાહનીને શુભેચ્છા પાઠવતા નીતુ કપૂરે લખ્યું, "હેપ્પી દીકરીઓ દિવસ માતા માટે સૌથી કિંમતી ભેટ.”