સની દેઓલની પુત્રવધૂના ભાઈ સાથે લગ્ન કરશે દીપિકા પાદુકોણની બહેન

દીપિકા પાદુકોણની ભૂતપૂર્વ ગૉલ્ફર બહેન અનીશા પાદુકોણ બહુ જલ્દી લગ્નના બંધનમાં બંધાવાની છે

અનીશા પાદુકોણ

દીપિકા પાદુકોણની ભૂતપૂર્વ ગૉલ્ફર બહેન અનીશા પાદુકોણ બહુ જલ્દી લગ્નના બંધનમાં બંધાવાની છે. અનીશાની સગાઈ દુબઈના એક બિઝનેસમૅન રોહન આચાર્ય સાથે થઈ ચૂકી છે અને બન્ને ટૂંક સમયમાં લગ્ન કરવાનાં છે. જોકે બહુ ઓછા લોકોને ખબર છે કે રોહનનો પરિવાર 

દેઓલ-પરિવાર સાથે ખાસ કનેક્શન ધરાવે છે. હકીકતમાં રોહન આચાર્યની બહેન દ્રિશા આચાર્યનાં લગ્ન સની દેઓલના મોટા દીકરા કરણ દેઓલ સાથે થયાં છે. આમ દીપિકાની બહેનનાં લગ્ન દેઓલ-પરિવારના વેવાઈપક્ષમાં થવાનાં છે. રોહન આચાર્ય ખ્યાતનામ ફિલ્મમેકર બિમલ રૉયની દીકરી ચિમ્મુ આચાર્યનો દીકરો છે. અનીશા અને રોહન ઘણાં વર્ષોથી એકબીજાને ઓળખે છે. હાલમાં અનીશા બહેન દીપિકાની સંસ્થા ‘ધ લિવ લવ લાફ ફાઉન્ડેશન’ની ચીફ એક્ઝિક્યુટિવ ઑફિસર તરીકે કાર્યરત છે.