ડિરેક્ટર તરીકે ધનુષની આગામી ફિલ્મની હિરોઇન મૃણાલ ઠાકુર?

મળતી માહિતી પ્રમાણે આ ફિલ્મમાં મહિલા પાત્રને ખૂબ મજબૂત અને મહત્ત્વપૂર્ણ સ્થાન આપવામાં આવશે

ફિલ્મના સેટ પરથી લીક થયેલી તસવીર સોશ્યલ મીડિયા પર વાયરલ થઈ છે

ઍક્ટર-ફિલ્મમેકર ધનુષ અને મૃણાલ ઠાકુરની જોડી ફરી ચર્ચામાં છે. થોડા સમય પહેલાં બન્ને રિલેશનશિપમાં હોવાના રિપોર્ટ હતા, પણ બન્નેમાંથી કોઈએ સ્પષ્ટતા નહોતી કરી અને ઘણા સમય પછી મૃણાલે આ ચર્ચાને અફવા ગણાવી હતી. હવે લેટેસ્ટ રિપોર્ટ છે કે ધનુષ એક મહિલાકેન્દ્રિત ફિલ્મ ડિરેક્ટ કરવાનું પ્લાનિંગ કરી રહ્યો છે અને આ ફિલ્મમાં લીડ ઍક્ટ્રેસ તરીકે મૃણાલને લેવાનું પ્લાનિંગ છે.

મળતી માહિતી પ્રમાણે આ ફિલ્મમાં મહિલા પાત્રને ખૂબ મજબૂત અને મહત્ત્વપૂર્ણ સ્થાન આપવામાં આવશે. ખાસ વાત એ છે કે ધનુષ આ ફિલ્મને ડિરેક્ટ કરવાની સાથે-સાથે એમાં ઍક્ટિંગ પણ કરી શકે છે.

આ ફિલ્મ ૧૯૬૦થી ૧૯૭૦ના દાયકાની પૃષ્ઠભૂમિ પર આધારિત પિરિયડ ડ્રામા હોવાની ખબર પડી છે. જોકે મેકર્સ તરફથી હજી સુધી કોઈ સત્તાવાર જાહેરાત કરવામાં આવી નથી.