18 November, 2026 11:39 AM IST | Mumbai | Gujarati Mid-day Correspondent
દિલજિત દોસાંઝ
પંજાબી સિંગર અને ઍક્ટર દિલજિત દોસાંઝ હાલ પોતાની ‘ઑરા ટૂર’ના ભાગરૂપે ગુજરાતની મુલાકાતે છે અને ૨૧ નવેમ્બરે અમદાવાદના નરેન્દ્ર મોદી સ્ટેડિયમમાં પર્ફોર્મ કરવાનો છે. આ દરમ્યાન દિલજિતે ગીર નૅશનલ પાર્કની મુલાકાત લઈને વન્યજીવનનો આનંદ માણ્યો હતો. દિલજિતે આ સફારીનો એક વિડિયો સોશ્યલ મીડિયા પર શૅર કર્યો છે જેમાં તે જંગલમાં જીપની સવારી કરતો અને કૅમેરા તથા બાયનોક્યુલરની મદદથી વન્યજીવોને નિહાળતો જોવા મળે છે. ગઈ કાલે દિલજિતે આ સફારીનો વિડિયો અપલોડ કર્યો હતો અને ફૅન્સ સાથે તેની સફારીની ઝલક શૅર કરી હતી.