હું જે કંઈ પણ છું, તમારા બન્નેને કારણે છું

એશા દેઓલે પોતાની ૪૪મી વર્ષગાંઠે મમ્મી-પપ્પા સાથેની ક્યુટ તસવીર શૅર કરીને ઇમોશનલ નોંધ લખી

હું જે કંઈ પણ છું, તમારા બન્નેને કારણે છું

ધર્મેન્દ્ર અને હેમા માલિનીની મોટી દીકરી એશા દેઓલની ગઈ કાલે ૪૪મી વર્ષગાંઠ હતી. આ દિવસે એશાએ પોતાના સોશ્યલ મીડિયા અકાઉન્ટમાં મમ્મી-પપ્પા સાથેની બાળપણની તસવીર શૅર કરીને ઇમોશનલ નોંધ લખી છે. એશાએ આ પોસ્ટમાં લખ્યું છે કે ‘હું જે કંઈ પણ છું, તમારા બન્નેને કારણે છું. હું તમને ખૂબ પ્રેમ કરું છું, પપ્પા અને મમ્મા.’ આ સુંદર તસવીરમાં ધર્મેન્દ્ર અને હેમા માલિની પોતાની દીકરીને પ્રેમભરી નજરોથી જોઈ રહ્યાં છે, જ્યારે નાની એશા કૅમેરા તરફ સ્માઇલ કરી રહી છે.