ધુરંધર 2 શૂટિંગમાં વિવાદ: મુંબઈ પોલીસે ફિલ્મના લોકેશન મેનેજર વિરુદ્ધ FIR નોંધી

FIR Against Location Manager of Dhurandhar: ધુરંધર 2 ના શૂટિંગ દરમિયાન મહત્ત્વપૂર્ણ સમાચાર સામે આવ્યા છે. અહેવાલો અનુસાર, મુંબઈ પોલીસે ધુરંધર 2 ના લોકેશન મેનેજર સામે કાર્યવાહી કરી છે. શું છે સમગ્ર મામલો, આવો જાણીએ.

વાયરલ વીડિયોનો સ્ક્રીન ગરૅબ (તસવીર સૌજન્ય: સોશિયલ મીડિયા)

બૉલિવૂડ ફિલ્મ ધુરંધર સ્થાનિક અને આંતરરાષ્ટ્રીય સ્તરે ચર્ચામાં છે. રણવીર સિંહ, આર. માધવન, અર્જુન રામપાલ, સંજય દત્ત, અક્ષય ખન્ના અને સારા અર્જુન અભિનીત આ ફિલ્મે બોક્સ ઓફિસ પર જંગી કમાણી કરી છે અને અનેક રેકોર્ડ તોડી નાખ્યા છે. હવે, દર્શકો ધુરંધર 2 ની આતુરતાથી રાહ જોઈ રહ્યા છે. જો કે, ધુરંધર 2 ના શૂટિંગ દરમિયાન મહત્ત્વપૂર્ણ સમાચાર સામે આવ્યા છે. અહેવાલો અનુસાર, મુંબઈ પોલીસે ધુરંધર 2 ના લોકેશન મેનેજર સામે કાર્યવાહી કરી છે. શું છે સમગ્ર મામલો, આવો જાણીએ.

શું છે સમગ્ર મામલો?

મુંબઈ પોલીસે દક્ષિણ મુંબઈના હાઇ સિક્યોરીટી ફોર્ટ વિસ્તારમાં ફરજિયાત પરવાનગી વિના ડ્રોન ઉડાડવા બદલ ફિલ્મ ધુરંધર 2 ના લોકેશન મેનેજર વિરુદ્ધ કેસ નોંધ્યો છે. અહેવાલો અનુસાર, MRA માર્ગ પોલીસ સ્ટેશને 1 ફેબ્રુઆરીએ રિંકુ રાજપાલ વાલ્મીકી વિરુદ્ધ ભારતીય દંડ સંહિતા (IPC) ની કલમ 223 હેઠળ "જાહેર સેવકના કાયદેસરના આદેશોનું ઇરાદાપૂર્વક ઉલ્લંઘન" કરવા બદલ FIR દાખલ કરી હતી. પોલીસના જણાવ્યા અનુસાર, FIRમાં જણાવાયું છે કે ક્રૂએ એક સિક્વન્સ શૂટ કરવા માટે ડ્રોનનો ઉપયોગ કર્યો હતો પરંતુ તેમની પાસે ઔપચારિક પરવાનગી નહોતી.

શૂટિંગ દરમિયાન સંજય દત્ત હાજર હતા

અહેવાલો અનુસાર, અભિનેતા સંજય દત્ત સાથે સમગ્ર ક્રૂ 1 ફેબ્રુઆરીના રોજ શૂટિંગ માટે ભેગા થયા હતા. આ શેડ્યૂલનો ત્રીજો દિવસ હતો. 30 જાન્યુઆરીથી, ઐતિહાસિક કિલ્લા સંકુલને નાટકીય રીતે ફરીથી બનાવવામાં આવ્યું છે જેથી પાકિસ્તાનની એક ધમધમતી જૂની શેરી જેવું લાગે. આ ઘટના સાથે સંબંધિત એક વીડિયો પણ વાયરલ થઈ રહ્યો છે.

ધુરંધર 2 ક્યારે રિલીઝ થશે?

ધુરંધર 2 નું ટીઝર 3 ફેબ્રુઆરીના રોજ રિલીઝ થયું હતું. આ ફિલ્મ 19 માર્ચ, 2026ના રોજ રિલીઝ થવાની છે. આ ફિલ્મ આદિત્ય ધર દ્વારા લખાયેલ અને દિગ્દર્શિત છે.

"ધુરંધર" 2 ની મોસ્ટ અવેઇટેડ સિક્વલનું ટીઝર આખરે રિલીઝ થઈ ગયું છે. આદિત્ય ધરની આગામી ફિલ્મ "ધુરંધર: ધ રીવેન્જ" ના ટીઝરમાં રણવીર સિંહ પાકિસ્તાન પર તબાહી મચાવતો જોવા મળી રહ્યો છે. 2025ની સૌથી શક્તિશાળી ફિલ્મ બની ગયેલી "ધુરંધર"ની મચઅવેઇટેડ સિક્વલ "ધુરંધર 2" નું ટીઝર રિલીઝ થઈ ગયું છે. ગયા વર્ષે ડિસેમ્બરમાં રિલીઝ થયેલી આદિત્ય ધરની "ધુરંધર" ટૂંક સમયમાં ભાગ 2 સાથે સિનેમાઘરોમાં આવવાની તૈયારીમાં છે. ટીઝરથી ફરી એકવાર ચાહકોમાં ઉત્સાહ ફેલાયો છે. ટીઝર પહેલા જ, "ધુરંધર 2" નું પોસ્ટર પણ રિલીઝ કરવામાં આવ્યું હતું, જેનાથી સ્પષ્ટ થઈ ગયું હતું કે પાકિસ્તાન સામે બદલાની સ્ટોરી પર આધારિત આ ફિલ્મનું સંપૂર્ણ શીર્ષક "ધુરંધર: ધ રીવેન્જ" છે. ફિલ્મના ટીઝરમાં હમઝા અલી મજારી તબાહી મચાવવા માટે તૈયાર દેખાય છે.

બૉલિવૂડની સૌથી મોટી હિટ ફિલ્મ "ધુરંધર"ના બીજા ભાગ "ધુરંધર 2"નું ટીઝર રિલીઝ થઈ ગયું છે. મંગળવાર, ૩ ફેબ્રુઆરીના રોજ રિલીઝ થયેલ આ ટીઝર સ્પષ્ટપણે દર્શાવે છે કે આ ફિલ્મ ફરી એકવાર માટે દર્શકોના મનમાં ટાઢક લાવશે. પાકિસ્તાનના કરાચીમાં લ્યારી વિસ્તારના રાજકારણ, ગૅન્ગ વૉર અને અંડરવર્લ્ડ પર આધારિત આ સ્પાય-થ્રિલર ફિલ્મે હવે રિલીઝ કર્યો છે જેના માટે ભારતે પાકિસ્તાનમાં તેના RAW એજન્ટને છોડી દીધો છે.