01 February, 2026 11:02 AM IST | Mumbai | Gujarati Mid-day Correspondent
`ઘાતક`નો સીન
સની દેઓલ હિમાચલ પ્રદેશના મનાલી ખાતે પોતાની ફિલ્મ ‘બૉર્ડર 2’ની સફળતાનો આનંદ માણી રહ્યો છે ત્યારે રિપોર્ટ આવ્યા છે કે જાણીતા ફિલ્મમેકર રાજકુમાર સંતોષી હવે સની દેઓલની ૧૯૯૬ની સુપરહિટ ફિલ્મ ‘ઘાતક’ની સીક્વલ બનાવવાની તૈયારીમાં છે. રાજકુમાર સંતોષી અને સની ભૂતકાળમાં ‘ઘાયલ’, ‘દામિની’ અને ‘ઘાતક’ જેવી સુપરહિટ ફિલ્મો આપી ચૂક્યા છે.
રાજકુમાર સંતોષી પાસે એક સ્ટોરી-આઇડિયા છે જેને તેઓ ‘ઘાતક 2’ તરીકે બનાવવા માગે છે. તેમણે પોતાનો આ આઇડિયા સની દેઓલ સાથે શૅર કર્યો છે. સનીને આ કન્સેપ્ટ ગમ્યો છે એટલે તેણે રાજકુમાર સંતોષીને મનાલી બોલાવી લીધા છે. જો સનીને સ્ક્રિપ્ટ અને કથા ગમશે તો તેઓ તારીખ અને અન્ય પરિબળોને ધ્યાનમાં રાખીને પ્રોજેક્ટને આગળ ધપાવશે.
આ મામલે સનીની નજીકની એક વ્યક્તિએ માહિતી આપી છે કે સની સ્પષ્ટ છે કે ‘ગદર 2’ અને ‘બૉર્ડર 2’ બ્લૉકબસ્ટર સાબિત થઈ છે એટલે તે પોતાની દરેક ક્લાસિક ફિલ્મની સીક્વલ સાઇન નહીં કરે, કારણ કે તેને લાગે છે કે આવું કરવાથી દર્શકો સાથે અન્યાય થશે.
