15 August, 2026 10:29 AM IST | Mumbai | Gujarati Mid-day Correspondent
ઉસકા બદ્ધિ ભ્રષ્ટ હો ગયા હૈ એમ કહ્યા પછી ગોવિંદા પર ફરી ભડકી પત્ની સુનીતા આહુજા
ગોવિંદા અને તેની પત્ની સુનીતા આહુજાનો ડ્રામા દિવસે-દિવસે વધતો જાય છે. ગોવિંદા અને તેની નવી હિરોઇન રાની સ્વર્ણકાર થોડા દિવસ પહેલાં અૅરપોર્ટ પર સાથે દેખાયાં એના વિશે સુનીતાને જ્યારે પૂછવામાં આવ્યું ત્યારે તેણે કહ્યું હતું કે ગોવિંદાની બુદ્ધિ ભ્રષ્ટ થઈ ગઈ છે. હવે ગોવિંદા અને રાણી સ્વર્ણકાર અૅરપોર્ટ પર ફરી સાથે દેખાયાં એના વિશે સુનીતાની પ્રતિક્રિયા માગવામાં આવી ત્યારે તેણે કહ્યું, ‘ક્યા બોલને કા... બેટી કે ઉંમર કી લડકી કો લે-લે કર ઘૂમ રા હૈ, શરમ તો આના ચાહિએ થોડા ઇસકો.’
અૅરપોર્ટ પર રાની સ્વર્ણકાર પીળા રંગનો જે પ્રકારનો ડ્રેસ પહેર્યો હતો એના વિશે પણ સુનીતાએ ટિપ્પણી કરતાં કહ્યું હતું કે ‘તુમ્હારા શુગર ડૅડી ઇતના અમીર હૈ, કપડે તો ઢંગ કે પહનો... હમ લોગ કો દેખો ક્યા સ્ટાઇલ મેં ચલતી હૈ.’
ગોવિંદા ઘણી વાર કહેતો હોય છે કે મારી ૫ત્ની નામ કમાવા માટે મારું નામ ખરાબ કરે છે. એના જવાબમાં સુનીતાએ કહ્યું હતું કે ગોવિંદા બોલતા હૈ કિ મૈં નામ કમાને કે લિએ ઉસકા નામ ખરાબ કરતી હૂં... ખુદ દેખના ચાહિએ ખુદ ક્યાં કાંડ કર રહા હૈ.
