03 July, 2026 03:14 PM IST | Mumbai | Gujarati Mid-day Online Correspondent
વાયરલ વીડિયોમાંથી સ્ક્રીન શૉટ (તસવીર: સોશિયલ મીડિયા)
મુંબઈમાં સતત વરસી રહેલા વરસાદને કારણે જનજીવન ઠપ્પ થઈ ગયું છે, રસ્તા પર પાણી ભરાઈ જવાથી લોકોના રોજિંદા જીવન પર અસર પડી છે. ઉલ્લેખનીય છે કે સામાન્ય મુંબાઈગરાઓ સાથે સેલેબ્સની ઈમારતો અને બંગલામાં પણ પાણી ભરાઈ જવાના દ્રશ્યો જોવા જોવા મળી રહ્યા છે. બુધવારે પડેલા વરસાદથી અમિતાભ બચ્ચનના પ્રખ્યાત જુહુ નિવાસસ્થાન `જનક` પર પણ અસર પડી હતી. અજય દેવગનના બંગલા `શિવશક્તિ`માં પણ પાણી ભરાઈ ગયું હોવાના અહેવાલ છે. જ્યારે પ્રખ્યાત હસ્તીઓના ઘરો આવી સ્થિતિમાં હોય છે ત્યારે લોકો સામાન્ય માણસની દુર્દશા પર સવાલ ઉઠાવી રહ્યા છે. તાજેતરમાં, એક સોશિયલ મીડિયા ઇન્ફ્લુએન્સરે અમિતાભ બચ્ચનના બંગલા `જનક`ની મુલાકાત લીધી હતી અને વિસ્તારની વર્તમાન સ્થિતિ દર્શાવી હતી. ભારે વરસાદ વચ્ચે, પીઢ અભિનેતાના ઘરની બહાર ઘૂંટી સુધી પાણી હોવાનું દેખાયું હતું, બંગલાની અંદર વરસાદનું પાણી ભરાઈ ગયું હતું. આ વીડિયોને "ભારે વરસાદ વચ્ચે બિગ બી અમિતાભ બચ્ચનના પ્રખ્યાત જુહુ બંગલામાં વરસાદી પાણી ઘૂસી ગયું છે," એવા કૅપ્શન સાથે શૅર કરવામાં આવ્યો હતો.
આ વીડિયો સોશિયલ મીડિયા પર વાયરલ થઈ રહ્યો છે. વીડિયો રેકોર્ડ કરતી વખતે, ઇન્ફ્લુએન્સરે ટિપ્પણી કરી, "તમે જોઈ શકો છો કે અમિતાભ બચ્ચનનું ઘર પણ પાણીથી ભરાઈ ગયું છે. આખો બંગલો પાણીથી ભરાઈ ગયો છે. આ અમિતાભ બચ્ચનનું બીજું ઘર છે. મુંબઈમાં, તમે રૂ. 10,000 કરોડની મિલકતને પણ વરસાદથી બચાવી શકતા નથી. જુઓ, આ બંગલો પણ પાણીથી ભરાઈ ગયો છે. આ મુંબઈમાં અમિતાભ બચ્ચનનો બંગલો છે." વીડિયોમાં અમિતાભ બચ્ચનના બંગલાની સામેનો વિસ્તાર અને વહેતું ગટર પણ બતાવ્યું, અને કહ્યું, "તમે ગટરનું પાણી ભરાઈ ગયું છે તે જોઈ શકો છો. BMCના કેટલાક અધિકારીઓ પણ અહીં પહોંચ્યા છે." જોકે, આ પહેલીવાર નથી જ્યારે અમિતાભ બચ્ચનના જુહુ બંગલા, `જનક` માં પાણી ભરાઈ ગયું હોય. આ ઘટના પીઢ અભિનેતાના દર રવિવારે થતાં ફૅન મીટ-અપના કાર્યક્રમના થોડા દિવસો પહેલા બની છે. જો વરસાદ ચાલુ રહેશે, તો તેમણે આગામી કાર્યક્રમ મુલતવી રાખવો પડી શકે છે. અમિતાભ બચ્ચન દર રવિવારની જેમ ચાહકોને મળ્યા; `જલસા` ની બહાર ભારે ભીડ એકઠી થઈ. પાણી અજય દેવગનના ઘર નજીક પણ ભરાઈ ગયું હોવાનો પણ વીડિયો તેણે પોસ્ટ કર્યો છે. ઇન્ફ્લુએન્સરે અજય દેવગનનું ઘર પણ બતાવ્યું, જે વરસાદના પાણીને લીધે પ્રભાવિત થયું હતું.
અમિતાભ બચ્ચન નાગ અશ્વિનની ફિલ્મ `કલ્કી 2898 એડી` ની સિક્વલમાં જોવા મળશે. `કલ્કી` સિરીઝના આ બીજા ભાગમાં પ્રભાસ અને કમલ હાસન પણ મુખ્ય ભૂમિકામાં છે. દરમિયાન, અજય દેવગન ફિલ્મ `ચૌહાણ` માં દેખાશે.
