હું હવે પ્રોડક્શન પડતું મૂકીને માત્ર ઍક્ટિંગ પર જ ધ્યાન કેન્દ્રિત કરીશ

30 November, 2025 08:25 AM IST  |  Mumbai | Gujarati Mid-day Correspondent

આમિર ખાને પોતાના કરીઅર પ્લાનિંગ વિશે મોટો ખુલાસો કર્યો

આમિર ખાન

શુક્રવારે ૫૬મા ઇન્ટરનૅશનલ ફિલ્મ ફેસ્ટિવલ ઑફ ઇન્ડિયાનું ગોવામાં સમાપન થયું જેમાં આમિર ખાને એક ખાસ સેશનમાં હાજરી આપી હતી. આ વાતચીતમાં આમિરે પોતાની કરીઅર વિશેનો એક મહત્ત્વનો નિર્ણય જાહેર કર્યો હતો. વાતચીત દરમ્યાન આમિરે પોતાના કરીઅર-પ્લાનિંગ વિશે વાત કરતાં જણાવ્યું હતું કે ભવિષ્યમાં તે પ્રોડક્શન પડતું મૂકીને માત્ર ઍક્ટિંગ પર જ ધ્યાન કેન્દ્રિત કરવા માગે છે.

આમિરે પોતાની ઇચ્છા વ્યક્ત કરતાં જણાવ્યું હતું કે ‘હાલમાં હું ‘લાહોર 1947’, ‘હૅપી પટેલ’ અને થોડા બીજા પ્રોજેક્ટ્સમાં કામ કરી રહ્યો છું અને આ બધું કામ આગામી થોડા મહિનામાં પૂરું થઈ જશે. ત્યાર બાદ હું પ્રોડક્શન છોડીને ફરીથી માત્ર ઍક્ટિંગ પર જ ધ્યાન કેન્દ્રિત કરીશ. હવેથી હું જે પણ સ્ક્રિપ્ટ સાંભળીશ એ માત્ર મારા માટે ઍક્ટર તરીકે જ હશે. આ એક મોટો ફેરફાર છે, પરંતુ ફરી એક વખત સંપૂર્ણ રીતે અભિનયને અપનાવવા માટેનો આ સાચો સમય છે.’

aamir khan bollywood buzz bollywood news bollywood gossips bollywood entertainment news