23 September, 2026 03:39 PM IST | London | Gujarati Mid-day Correspondent
જૉન એબ્રાહમ
જૉન એબ્રાહમ નજીકના ભવિષ્યમાં સાયકોલૉજિકલ થ્રિલર ફિલ્મ ‘ગુરુ’માં જોવા મળશે. હાલમાં જૉને લંડનમાં આ ફિલ્મનું શૂટિંગ શરૂ કરી દીધું છે. આ ફિલ્મને આવતા વર્ષે રિલીઝ કરવાની યોજના છે. હાલમાં જૉન લંડનમાં છે અને ત્યાં જ આ ફિલ્મનું શૂટિંગ કરી રહ્યો છે. ફિલ્મમાં જૉનની સાથે દાનિશ પંડોર, આરિફ ઝકારિયા અને કિટ્ટુ ગિડવાની જેવાં કલાકારો પણ મહત્ત્વની ભૂમિકામાં જોવા મળશે.
મળતી માહિતી પ્રમાણે આ ફિલ્મ એક એવા માણસની આસપાસ વણાયેલી છે જેની યાદશક્તિ અને વાસ્તવિકતા વચ્ચે મોટો ફરક છે. વિચિત્ર ઘટનાઓ બનતાં આ વ્યક્તિને વિશ્વાસ કરવામાં સમસ્યા થવા લાગે છે અને તે પોતાની જ સમજ અને વાસ્તવિકતા પર શંકા કરવા લાગે છે.
