12 April, 2026 11:10 AM IST | Mumbai | Gujarati Mid-day Correspondent
સાઈ પલ્લવી અને જુનૈદ ખાનની એક દિન
આમિર ખાનના દીકરા જુનૈદ ખાનની આગામી ફિલ્મ ‘એક દિન’ પહેલી મેએ રિલીઝ થવાની છે. આ ફિલ્મમાં જુનૈદની સાથે સાઈ પલ્લવી જોવા મળશે. સામાન્ય રીતે કોઈ પણ ફિલ્મનું ઍડ્વાન્સ બુકિંગ રિલીઝના ત્રણથી ૭ દિવસ પહેલાં શરૂ થાય છે અને ક્યારેક તો રિલીઝના એક દિવસ પહેલાં પણ શરૂ થાય છે. જોકે આમિર ખાને ‘એક દિન’ માટે અલગ જ સ્ટ્રૅટેજી અપનાવી છે. આમિર ખાને ‘એક દિન’ માટે ઍડ્વાન્સ બુકિંગ રિલીઝના લગભગ ૩૯ દિવસ પહેલાં જ શરૂ કરી દીધું છે જે અલગ જ સ્ટ્રૅટેજી છે. રિપોર્ટ્સ મુજબ હાલમાં ૨૦ શહેરોમાં ફિલ્મની ટિકિટનું વેચાણ શરૂ થઈ ગયું છે. હજી સુધી માત્ર એક શો માટે જ બુકિંગ ખુલ્લું મુકાયું છે અને દેશભરમાં પાંચસો કરતાં વધારે ટિકિટ બુક થઈ છે.
