12 October, 2026 11:22 AM IST | Mumbai | Gujarati Mid-day Correspondent
કરણ જોહર ‘કૉફી વિથ કરણ’ની નવમી અને છેલ્લી સીઝન લઈને આવી રહ્યો છે
ફિલ્મમેકર કરણ જોહર પોતાના લોકપ્રિય ચૅટ-શો ‘કૉફી વિથ કરણ’ની નવમી અને છેલ્લી સીઝન લઈને આવી રહ્યો છે. આ શોને લઈને સોશ્યલ મીડિયા પર ઘણી ચર્ચા ચાલી રહી છે. રિપોર્ટ પ્રમામે શો પૂરો થયા બાદ કરણ જોહર પોતાના બૅનર હેઠળ એક નવો સેલિબ્રિટી ટૉક-શો શરૂ કરવાની યોજના બનાવી રહ્યો છે. કરણ એવો શો બનાવવાની યોજના ધરાવે છે, જેના હકો સંપૂર્ણપણે તેના પોતાના બૅનર પાસે હોય.
આજકાલ ઘણા શો યુટ્યુબથી શરૂ થાય છે અને ધીમે-ધીમે પોતાનો અલગ દર્શકવર્ગ ઊભો કરે છે. ત્યાર બાદ એને મોટા OTT પ્લૅટફૉર્મ પર પણ સ્થાન મળે છે. માનવામાં આવે છે કે કરણ પણ આ જ મૉડલને ધ્યાનમાં રાખીને પોતાના નવા શોનું આયોજન કરી રહ્યો છે. જોકે નવા શોના નામ, ફૉર્મેટ અને પ્લૅટફૉર્મ વિશે હજુ સુધી કોઈ સત્તાવાર માહિતી સામે આવી નથી. આ શો ક્યારે શરૂ થશે એ પણ સ્પષ્ટ નથી.
