કાર્તિક આર્યન કરશે કરણ જોહર સાથે તેની ત્રીજી ફિલ્મ

કાર્તિક આર્યન

કાર્તિક આર્યન હાલમાં પોતાની આગામી ફિલ્મ ‘તૂ મેરી મૈં તેરા, મૈં તેરા તૂ મેરી’ની રિલીઝની રાહ જોઈ રહ્યો છે. આ ફિલ્મ ૨૫ ડિસેમ્બરે રિલીઝ થશે. આ ફિલ્મ કરણ જોહરના ધર્મા પ્રોડક્શન હેઠળ બની છે. એ પછી કાર્તિક અને કરણ બન્ને ‘નાગઝિલા’માં સાથે કામ કરી રહ્યા છે અને લેટેસ્ટ રિપોર્ટ પ્રમાણે હવે કાર્તિક અને કરણ સાથે મળીને ત્રીજી ફિલ્મ કરવા તૈયાર થયા છે. જોકે ફિલ્મની વિગતો હજી ગુપ્ત રાખવામાં આવી છે. ધર્મા પ્રોડક્શન માટે કાર્તિક હવે નવો પોસ્ટરબૉય બની ગયો છે. કાર્તિક અને કરણના આ ત્રીજા મેગા પ્રોજેક્ટનું શૂટિંગ ‘નાગઝિલા’ આવતા વર્ષે ઑગસ્ટમાં રિલીઝ થયા પછી તરત જ શરૂ થઈ જશે.