14 January, 2026 03:22 PM IST | Mumbai | Gujarati Mid-day Correspondent
બૉયફ્રેન્ડ સાથે તેનો વિડિયો લેતા ફોટોગ્રાફર પર ભડકી ક્રિતી સૅનન
ક્રિતી સૅનનનો એક વિડિયો સોશ્યલ મીડિયા પર ચર્ચામાં છે. આ વિડિયોમાં ક્રિતી પોતાના પરિવાર સાથે ઍરપોર્ટ પર જોવા મળી રહી છે. હાલમાં ક્રિતીની બહેન નૂપુર સૅનનનાં ઉદયપુરમાં થયેલાં ભવ્ય લગ્ન પછી સમગ્ર પરિવાર પરત ફરી રહ્યો હતો. આ સમયે ઍરપોર્ટ પર ક્રિતી પોતાના બૉયફ્રેન્ડ કબીર બહિયા સાથે ઊભી હતી. ક્રિતી અને કબીરને સાથે જોઈને ફોટોગ્રાફરે તેમનો વિડિયો લેવાનું શરૂ કરી દીધું હતું. આ જોઈને ક્રિતી ખૂબ ગુસ્સે થઈ ગઈ અને તેણે હાથ લાંબો કરીને બૂમો પાડીને ફોટોગ્રાફરને આવું ન કરવા કહ્યું. ક્રિતી ભાગ્યે જ જાહેરમાં આવું વર્તન કરે છે જેથી ફૅન્સને તેનું આ રૂપ જોઈને બહુ આશ્ચર્ય થયું છે.
