ક્રિતી સેનનને મળ્યું ગમતું ઘર,અમિતાભ બચ્ચનનું અંધેરીવાળું ડ્યૂપ્લેક્સ લીધું ભાડે

ક્રિતી સેનનને (Kriti Sanon) પોતાનું નવું ઘર ફાઇનલી મળી ગયું છે. આ નવું ઘર જેવું-તેવું નહીં પણ બૉલિવૂડ શહેનશાહ અમિતાભ બચ્ચનનું (Amitabh Bachchan) છે.

ક્રિતી સેનન (તસવીર સૌજન્ય મિડ-ડે)

ક્રિતી સેનન (Kriti Sanon)છેલ્લા ઘણાં દિવસથી પોતાની માટે ઘર જોઈ રહી હતી અને હવે કહેવમાં આવી રહ્યું છે કે તેને ફાઇનલી ઘર મળી ગયું છે. આ નવું ઘર જેવું-તેવું નહીં પણ બૉલિવૂડ શહેનશાહ અમિતાભ બચ્ચનનું (Amitabh Bachchan) છે.

પિંકવિલાના રિપૉર્ટ મુજબ, ક્રિતી સેનને અંધેરીમાં રેન્ટ પર નવું અપાર્ટમેન્ટ લીધું છે, જે અમિતાભ બચ્ચનના નામે છે. આ રિપૉર્ટમાં સૂત્રોના હવાલે માહિતી આપવામાં આવી છે કે અમિતાભનું આ અપાર્ટમેન્ટ ડ્યૂપ્લેક્સ છે, જેને ક્રિતીએ ભાડેથી લીધું છે. આ રિપૉર્ટમાં એ પણ કહેવામાં આવ્યું છે કે ક્રિતીને આ ઘર ખૂબ જ ગમ્યું છે અને તે ટૂંક સમયમાં જ નવા ઘરેમાં મૂવ કરવાનો પ્લાન કરી રહી છે.

રિપૉર્ટ પ્રમાણે, જેવું ક્રિતીને આ ઘર બતાવવામાં આવ્યું તેને ખૂબ જ ગમ્યું. તાજેતરમાં જ અમિતાભ બચ્ચને ક્રિતી સેનન સાથે ડાન્સની કેટલીક ઝલક પણ  શૅર કરી હતી. આ શૅર કરતા તેમણે લખ્યું કે "સુંદર ક્રિતી સેનન સાથે બલરૂમ ડાન્સ, આહ... કૉલેજ અને કોલકાતામાં વિતાવેલા જૂના દિવસોની યાદ આવી ગઈ." ટૂંક સમયમાં જ ક્રિતી અમિતાભ બચ્ચનના શૉ  `કૌન બનેગા કરોડપતિ`ની હૉટસીટ પર જોવા મળશે અને તેની સાથે આ શૉમાં રાજકુમાર રાવ પણ હાજર હશે.

જણાવવાનું કે તાજેતરમાં જ અમિતાભે જૂહુવાળી પોતાની પ્રૉપર્ટી પણ રેન્ટ પર આપી છે. માહિતી છે કે બચ્ચન પરિવારે પોતાના જુહૂવાળા બંગલા અમ્મૂ અને વત્સનો ગ્રાઉન્ડ ફ્લોર સ્ટેટ બેન્ક ઑફ ઇન્ડિયાને રેન્ટ પર આપ્યો છે. 15 વર્ષ માટે લીઝ પર આપેલા આ ઘરથી અમિતાભ અને અભિષેક બચ્ચનને મોટી કમાણી થવાની છે. કહેવામાં આવ્યું છે કે તેમને એક્ટરને બેન્ક પાસેથી દર મહિને હાલ 18.9 લાખ રૂપિયાનું ભાડું મળવાનું છે. 5 વર્ષ પછી આના ભાડાંમાં વધારો થશે. જેના પછી આગામી પાંચ વર્ષમાં તેમને આ ભાડું વધીને દર મહિને 23.6 લાખ રૂપિયા મળશે અને પછી 10 વર્ષ બાદ તેના આગામી પાંચ વર્ષ સુધી બચ્ચન પરિવારને 29.5 લાખ રૂપિયા મહિને ભાડું મળશે.