હું તો બૉબી દેઓલ અને તાન્યાના હનીમૂનમાં પણ તેમની સાથે હતી

પ્રીતિ ઝિન્ટાએ ઍક્ટર સાથેના પોતાના પારિવારિક સંબંધો વિશે વાત કરી

તસવીર સૌજન્યઃ સોશ્યલ મીડિયા

હાલમાં ડિઝાઇનર મનીષ મલ્હોત્રાએ યોજેલી દિવાલી-પાર્ટીમાં પ્રીતિ ઝિન્ટા, બૉબી દેઓલ અને બૉબીની પત્ની તાન્યા દેઓલ વચ્ચેની કેમિસ્ટ્રી બધાના આકર્ષણનું કેન્દ્ર બની હતી. આ પછી પ્રીતિએ હવે એક પોસ્ટ કરીને તેના અને બૉબી દેઓલના પારિવારિક સંબંધોની વાત કરતાં કહ્યું કે ‘હું અને બૉબી જ્યારે ‘સોલ્જર’નું શૂટિંગ કરી રહ્યાં હતાં ત્યારે બૉબી-તાન્યા તેમના હનીમૂન પર હતાં એટલે એમ કહી શકાય કે હું બૉબી અને તાન્યાના હનીમૂનમાં પણ તેમની સાથે હતી. એ સમયે બૉબી અને તાન્યાએ મને ખૂબ પ્રેમ આપ્યો હતો અને હજી આ ક્ષણો મને યાદ છે. કેટલાક સંબંધો સમય સાથે વધુ ગહન બને છે. વખત વીતી ગયો પરંતુ મારા હૃદયમાં આ બન્ને માટે પ્રેમ અને આદર પહેલાં કરતાં વધુ વધી ગયો છે. બૉબી અને તાન્યા એકબીજા માટે બન્યાં છે.’