19 September, 2026 03:16 PM IST | Mumbai | Gujarati Mid-day Correspondent
અમે તને ખૂબ પ્રેમ કરીએ છીએ
પ્રિયંકા ચોપડાનો પતિ અને અમેરિકન સિંગર નિક જોનસ ૧૬ સપ્ટેમ્બરે ૩૪ વર્ષનો થઈ ગયો છે. હવે જન્મદિવસની ઉજવણીના એક દિવસ બાદ પ્રિયંકાએ નિક માટે સોશ્યલ મીડિયા પર એક રોમૅન્ટિક પોસ્ટ શૅર કરીને પતિ પર પ્રેમ વરસાવ્યો છે.
પ્રિયંકાએ સોશ્યલ મીડિયામાં નિકની કેટલીક તસવીરો શૅર કરી છે. આ સાથે તેણે એક વિડિયો પણ પોસ્ટ કર્યો છે. પ્રિયંકાએ પોસ્ટની કૅપ્શનમાં લખ્યું હતું કે ‘એ વ્યક્તિને જન્મદિવસની શુભેચ્છા જે દરરોજ અમારા તમામ સપનાં સાકાર કરે છે... અમે તમને ખૂબ પ્રેમ કરીએ છીએ, ગાગા.’
નિક અને પ્રિયંકાની દીકરી માલતી મારી જોનસ તેના પપ્પાને પ્રેમથી ગાગા કહે છે એટલે પ્રિયંકા પણ પોતાની પોસ્ટમાં નિકને પ્રેમથી આ નામે જ બોલાવે છે.
