પૉર્ન રેવન્યુને લઈને વાઇરલ થઈ ચૅટ

સોશ્યલ મીડિયા પર રાજ કુન્દ્રા એ ગ્રુપમાં હોવાની ચર્ચા

રાજ કુન્દ્રા

સોશ્યલ મીડિયા પર હાલમાં એક વૉટ્સઍપ ચૅટનું પ્રિન્ટ આઉટ વાઇરલ થયું છે. આ પ્રિન્ટ આઉટમાં એક ગ્રુપમાં રેવન્યુને લઈને ચર્ચા ચાલી રહી છે. આ ચર્ચા રાજ કુન્દ્રા દ્વારા પૉર્નના રેવન્યુને લઈને કરવામાં આવી રહી હોવાનું કહેવામાં આવી રહ્યું છે. આ ગ્રુપનું નામ ‘એચ અકાઉન્ટ’ રાખવામાં આવ્યું છે. શિલ્પા શેટ્ટીનો પતિ રાજ કુન્દ્રા વિઆન ઇન્ડસ્ટ્રીઝ લિમિટેડનો માલિક છે. તેમ જ તેની બહેનનો પતિ પ્રદીપ બક્ષી લંડનની કેનરિન લિમિટેડનો ચૅરમૅન છે. મુંબઈ પોલીસના કહ્યા મુજબ આ બન્ને કંપનીઓ ‘ધ હૉટશૉટ્સ’ ઍપ્લિકેશન ધરાવે છે. આ ઍપ્લિકેશન 18+ છે અને એના પર દુનિયાભરની કેટલીક મૉડલ્સ અને સેલિબ્રિટીઝના હૉટ ફોટોઝ, શૉર્ટ ફિલ્મ્સ અને હૉટ વિડિયો જોવા મળે છે. ઍપલ અને ગૂગલ દ્વારા આ ઍપ્લિકેશનને રિજેક્ટ કરવામાં આવી છે. એમ છતાં આ ઍપ્લિકેશનને થર્ડ પાર્ટી ઍપ્લિકેશન દ્વારા ડાઉનલોડ કરી શકાય છે. આ ઍપ્લિકેશન દ્વારા તેઓ પૉર્ન દેખાડતા હોવાનું કહેવામાં આવી રહ્યું છે. ઍપ્લિકેશન હૉટશૉટ્સ પરથી જ વૉટ્સઍપ ગ્રુપનું નામ પણ એચ અકાઉન્ટ રાખવામાં આવ્યું હોવાની ચર્ચા છે. આ ગ્રુપમાં ટોટલ પાંચ વ્યક્તિ હોવાનું કહેવામાં આવી રહ્યું છે. આ પાંચ વ્યક્તિમાં રાજ કુન્દ્રા, મેધા વિઆન અકાઉન્ટ્સ, પ્રદીપ બક્ષી, રૉબ ડિજિટલ માર્કેટિંગ હૉટશૉટ્સ, રૉય ઇવાન્સ કન્ટેન્ટ હેડ, હૉટશૉટ્સનો સમાવેશ થાય છે. આ વાઇરલ થયેલી ચૅટ મુજબ એક મેસેજમાં પ્રદીપ બક્ષી દ્વારા લખવામાં આવ્યું છે કે ‘ગઈ કાલે ટોટલ સેલ – ૨,૬૯,૯૧૪ રૂપિયા, લાઇવ રેવન્યુ – ૨,૨૩,૩૭૫ રૂપિયા, ટોટલ રજિસ્ટ્રેશન – ૧૯,૩૯,૬૯૯. ગઈ કાલના રજિસ્ટ્રેશન – ૫૦૯૫.’ આ મેસેજને રાજ કુન્દ્રાએ જવાબ આપ્યો હતો કે ‘મૂવી રેવન્યુ ખૂબ જ ઓછું થઈ ગયું છે.’

આ સિવાયની પણ તેમની ઘણી ચૅટ ઇન્ટરનેટ પર વાઇરલ થઈ છે. પોલીસે પણ ઇન્વેસ્ટિગેશન દરમ્યાન કેટલીક હૉટશૉટ્સ ફિલ્મ્સ, વિડિયો ક્લિપ્સ, વૉટ્સઍપ ચૅટ્સ વગેરે જેવા ડેટા ભેગા કર્યા છે.