23 September, 2021 01:53 PM IST | mumbai | Gujarati Mid-day Online Correspondent
શિલ્પા શેટ્ટી ( તસવીરઃ યોગેન શાહ)
પતિ રાજ કુન્દ્રા પોર્ન ફિલ્મ કેસમાં ફસાયા બાદ શિલ્પા શેટ્ટી વધારે ચર્ચામાં છે. પોર્ન ફિલ્મોના નિર્માણ અને સ્ટ્રીમિંગમાં કથિત સંડોવણી બદલ ધરપકડ કરાયેલ રાજ કુન્દ્રાને બે મહિના જેલમાં વિતાવ્યા બાદ આખરે સોમવારે જામીન આપવામાં આવ્યા હતા. ત્યાર બાદ તે સાંજે જુહુ સ્થિત પોતાના બંગલે પરત ફર્યો હતો. આ દરમિયાન શિલ્પા શેટ્ટીના બોડીગાર્ડ રવિનો એક વીડિયો વાયરલ થઈ રહ્યો છે, અને તેને `સુપરમેન` ગણવામાં આવી રહ્યો છે.
શિલ્પા શેટ્ટીના બોડીગાર્ડ રવિનો એક વીડિયો વાયરલ થયો છે. જેમાં જોઈ શકાય છે કે તે પાપારાઝી અને ભીડને કુન્દ્રાની કારથી દૂર રાખવા માટે દોડી રહ્યો છે. ગાર્ડે સુનિશ્ચિત કર્યું કે તેના બોસ પર કોઈ આંચ નહીં આવવા દે અને તે તેની પ્રત્યે સંપૂર્ણ વફાદાર છે. બોડીગાર્ડ રવિનો આ વીડિયો ઇન્ટરનેટ પર લોકોના દિલ જીતી રહ્યો છે. વિરલ ભાયાણીએ તેના ઈન્સ્ટાગ્રામ પર આ વીડિયો પોસ્ટ કર્યો છે.
આ વીડિયો પર અનેક લોકો પોતાની પ્રતિક્રિયા આપી રહ્યાં છે. કોઈ કહી રહ્યું છે કે, રક્ષક ખરેખર તેના બોસ માટે એક સુપરમેન છે, તો કોઈ, હેટ્સ ઓફ કહી અને આવી વફાદારીને સલામી આપી રહ્યાં છે. અન્ય એકએ કહ્યું કે, વફાદારી ખૂબ જ મહત્વપૂર્ણ છે, હંમેશા વફાદાર લોકોને પસંદ કરવામાં આવે છે. બીજાએ એક લખ્યું કે, તેઓ (સુરક્ષા રક્ષકો) ખૂબ મહેનત કરે છે આપણે તેમનું સન્માન કરવું જોઈએ.