04 July, 2026 02:07 PM IST | Mumbai | Gujarati Mid-day Correspondent
OTT જંક્શન
ફિલ્મમેકર રાજકુમાર હિરાણીએ ‘પ્રીતમ ઍન્ડ પેડ્રો’ દ્વારા OTT પર એન્ટ્રી લીધી છે અને આ ફિલ્મથી તેમના દીકરા વીરે ઍક્ટિંગની દુનિયામાં ડેબ્યુ કર્યું છે. વાર્તાનો પ્લૉટ ગોવામાં ગોઠવાયો છે જ્યાં પેડ્રો (અર્શદ વારસી) એક અનુભવી અને જૂની વિચારધારાવાળો પોલીસ-ઇન્સ્પેક્ટર છે. તે ટેક્નૉલૉજી કરતાં પોતાની સૂઝબૂઝ અને અનુભવ પર વધુ વિશ્વાસ રાખે છે. બીજી તરફ પ્રીતમ (વીર હિરાણી) એક યુવા અને ટેક-સૅવી હૅકર છે. પરિસ્થિતિ એવી સર્જાય છે કે બન્નેને મજબૂરીમાં સાથે મળીને કામ કરવું પડે છે. વાસ્તવમાં મુખ્ય પ્રધાનના પુત્રના હાઇ-પ્રોફાઇલ ડિજિટલ અપહરણ કેસમાં બન્ને માર્ટિન (વિક્રાંત મેસી)ની શોધમાં હોય છે. માર્ટિન એક ચાલાક અને અત્યંત તેજસ્વી સાઇબર ગુનેગાર છે. ફિલ્મની સપોર્ટિંગ કાસ્ટમાં મોના સિંહ પણ મહત્ત્વની ભૂમિકામાં છે. આ ફિલ્મ જિયો હૉટસ્ટાર પર સ્ટ્રીમ થઈ રહી છે.
