રાજકુમાર હીરાણીનો દીકરો નાટક દ્વારા કરી રહ્યો છે ઍક્ટિંગ-ડેબ્યુ

૧૯૯૨ના નાટક તુમ્હારી અમ્રિતાના અપડેટેડ વર્ઝન લેટર્સ ફ્રૉમ સુરેશમાં વીર હીરાણી ફારુક શેખે ભજવેલું પાત્ર ભજવશે

રાજકુમાર હીરાણી ,દીકરો વીર હીરાણી

રાજકુમાર હીરાણીનો દીકરો વીર હીરાણી નાટક દ્વારા ઍક્ટિંગ-ડેબ્યુ કરી રહ્યો છે. આમિર ખાનનો દીકરો જુનૈદ ખાન પણ બૉલીવુડમાં એન્ટ્રી કરી રહ્યો છે, પરંતુ એ પહેલાં તેણે નાટકમાં કામ કર્યું હતું. શાહરુખ ખાનની દીકરી સુહાના ખાને પણ ‘ધ આર્ચીઝ’ દ્વારા ઍક્ટિંગ-ડેબ્યુ કર્યું છે, પરંતુ એ પહેલાં તેણે નાટકમાં કામ કર્યું હતું. જુનૈદ અને સુહાનાની જેમ હવે રાજકુમાર હીરાણીનો દીકરો વીર પણ બૉલીવુડમાં એન્ટ્રી કરે એ પહેલાં નાટકમાં કામ કરવાનો છે. જાણીતા નાટક-ડિરેક્ટર ફિરોઝ અબ્બાસ ખાનના નાટક ‘તુમ્હારી અમ્રિતા’ના અપડેટેડ વર્ઝન ‘લેટર્સ ફ્રોમ સુરેશ’ દ્વારા તે ઍક્ટિંગની શરૂઆત કરી રહ્યો છે. વીર હાલમાં લંડનની રૉયલ ઍકૅડેમી ઑફ ધ ડ્રામૅટિક આર્ટ્સમાંથી ગ્રૅજ્યુએટ થયો છે. અમેરિકન પ્લે ‘લવ લેટર્સ’નું હિન્દી-ઉર્દૂ વર્ઝન ૧૯૯૨માં લખવામાં આવ્યું હતું. ૧૯૯૨ની ૨૭ ફેબ્રુઆરીએ આ નાટકનું પ્રીમિયર થયું હતું. ફારુક શેખે નાટકમાં જે પાત્ર ભજવ્યું હતું એ પાત્ર હવે વીર ભજવશે.