દિવાળી પહેલાં ડબલ ધમાલ

‘હમ દો હમારે દો’નું પોસ્ટર

રાજકુમાર રાવ અને ક્રિતી સૅનનની ‘હમ દો હમારે દો’ હવે ૨૯ ઑક્ટોબરે ડિઝની + હૉટસ્ટાર પર રિલીઝ થવાની છે. આ ફિલ્મમાં તેમની સાથે પરેશ રાવલ, રત્ના પાઠક શાહ અને અપારશક્તિ ખુરાના પણ લીડ રોલમાં છે. ‘બરેલી કી બર્ફી’ બાદ રાજકુમાર અને ક્રિતીની આ બીજી ફિલ્મ છે. ‘હમ દો હમારે દો’ને અભિષેક જૈને ડિરેક્ટ અને દિનેશ વિજને પ્રોડ્યુસ કરી છે. આ ફિલ્મ પહેલાં દિવાળી દરમ્યાન રિલીઝ થવાની હતી, પરંતુ હવે એને દિવાળી પહેલાં જ રિલીઝ કરવામાં આવશે. ફિલ્મનું પોસ્ટર ઇન્સ્ટાગ્રામ પર શૅર કરીને રાજકુમારે કૅપ્શન આપી હતી કે ‘હમારા હીરો, ઉસકા પ્યાર ઔર ઉસકે અડૉપ્ટેડ માં-બાપ, મનાએંગે દિવાલી આપકે સાથ. ‘હમ દો હમારે દો’ ૨૯ ઑક્ટોબરે ડિઝની + હૉટસ્ટાર પર સ્ટ્રીમિંગ થવાની છે.’