અહાન પાંડે અને અનીત પડ્ડાની જોડી ફરી સાથે ચમકશે

ટીમ સૈયારા દ્વારા નવી ઇન્ટેન્સ લવ-સ્ટોરી બનાવવાની સત્તાવાર જાહેરાત

અહાન અને અનીત ડિરેક્ટર મોહિત સૂરિ તથા યશરાજ ફિલ્મ્સના CEO અક્ષય વિધાની સાથે

અહાન પાંડે અને અનીત પડ્ડાએ ગયા વર્ષે ડિરેક્ટર મોહિત સૂરિની ‘સૈયારા’થી બૉલીવુડમાં ડેબ્યુ કર્યું હતું. આ ફિલ્મ યશરાજ ફિલ્મ્સે પ્રોડ્યુસ કરી હતી અને સુપરહિટ સાબિત થઈ હતી. હવે રિપોર્ટ છે કે આ ટીમ ફરી એક વખત સાથે આવવાની છે. મોહિત સૂરિ, અહાન પાંડે અને અનીત પડ્ડા એક નવી ઇન્ટેન્સ રોમૅન્ટિક ફિલ્મ પર કામ કરવા જઈ રહ્યાં છે. જોકે આ ફિલ્મ ‘સૈયારા’ની સીક્વલ નહીં હોય પણ એક નવી લવ-સ્ટોરી હશે.

આ નવી ફિલ્મની સત્તાવાર જાહેરાત કરી દેવામાં આવી છે અને મોહિત સૂરિએ પણ આ પ્રોજેક્ટ વિશે કહ્યું કે તેને હંમેશાં ભાવનાત્મક લવ-સ્ટોરીઝ બનાવવી ગમે છે અને આ પણ એક ઇન્ટેન્સ લવ-સ્ટોરી હશે. જોકે ફિલ્મની સત્તાવાર રિલીઝ-તારીખ હજુ જાહેર કરવામાં આવી નથી.