15 September, 2025 10:42 AM IST | Mumbai | Gujarati Mid-day Correspondent
ઓ’રોમિયોનો ફર્સ્ટ લુક
શાહિદ કપૂર અને તૃપ્તિ ડિમરી હાલમાં ડિરેક્ટર વિશાલ ભારદ્વાજની ફિલ્મ ‘ઓ’રોમિયો’માં કામ કરી રહ્યાં છે. હાલમાં આ ફિલ્મનો ફર્સ્ટ લુક શાહિદ કપૂરે પોતાના સોશ્યલ મીડિયા પર શૅર કર્યો છે અને સાથોસાથ ફિલ્મની રિલીઝની જાહેરાત કરી છે. ૨૦૨૬ની ૧૪ ફેબ્રુઆરીએ રિલીઝ થનારી આ ફિલ્મમાં શાહિદ કાઉબૉય ટોપી પહેરીને પોતાનો ચહેરો છુપાવતો જોવા મળે છે. આ એક ઍક્શન થ્રિલર ફિલ્મ છે, જેમાં નાના પાટેકર પણ મહત્ત્વની ભૂમિકામાં છે. આ ફિલ્મનું નિર્માણ સાજિદ નડિયાદવાલાએ કર્યું છે. ‘ઓ’રોમિયો’માં શાહિદ અને વિશાલની એકસાથે ચોથી ફિલ્મ છે. આ બન્ને પહેલાં ‘કમીને’, ‘હૈદર’ અને ‘રંગૂન’માં સાથે કામ કરી ચૂક્યા છે.