મારી દીકરીની ટીકા કરનાર મોટા ભાગના લોકો પેઇડ ટ્રોલર્સ છે

શત્રુઘ્ન સિન્હા અને સોનાક્ષી સિન્હા

હાલમાં સોનાક્ષી સિન્હાએ કૉક્રૉચ જનતા પાર્ટીના દિલ્હીના જંતર મંતર ખાતેના પ્રદર્શન દરમ્યાન સ્પષ્ટ રીતે પોતાનો મત વ્યક્ત કર્યો હતો અને સવાલો પણ ઉઠાવ્યા હતા. આ સમયે સોનાક્ષીનું નિવેદન ઘણું વાઇરલ થયું હતું અને તેને ટ્રોલ કરવામાં આવી હતી. આ પછી સોનાક્ષીએ આ ટ્રોલિંગ વિશે કહ્યું હતું કે તે એના પર ધ્યાન આપતી જ નથી. હવે આ સંજોગો વિશે વાત કરતાં શત્રુઘ્ન સિન્હાએ કહ્યું કે ‘મારી દીકરી સોનાક્ષીમાં ઘણી હિંમત છે. હું એટલું જ કહી શકું કે તે એક અત્યંત કાબેલ પિતાની અત્યંત કાબેલ દીકરી છે. તેને જે લોકો ટ્રોલ કરે છે તેઓ પેઇડ ટ્રોલર્સ છે. ભારતીય જનતા પાર્ટીમાં જે IT સેલ છે એ સોનાક્ષી વિરુદ્ધ ટ્રોલિંગ કરાવે છે અને આ ઑર્ગેનિક ટ્રોલિંગ નથી. આ પેઇડ ટ્રોલ્સ છે જેમને પોતે શું બોલવું એ પણ ખબર હોતી નથી.’