સસરા-જમાઈએ ભેગા મળીને ખરીદી ૯.૮૫ કરોડની જમીન

આ લૅન્ડ ઘોડબંદર રોડના ઓવળા વિસ્તારમાં છે. સુનીલ શેટ્ટી અને તેના જમાઈ ભારતીય ક્રિકેટર કે. એલ. રાહુલે ભેગા મળીને થાણે-વેસ્ટમાં ૯.૮૫ કરોડ રૂપિયાની જમીન ખરીદી છે અને આ ટ્રાન્ઝૅક્શન માર્ચ મહિનામાં રજિસ્ટર્ડ થયું હતું.

સુનીલ શેટ્ટી અને કે. એલ. રાહુલ

સુનીલ શેટ્ટી અને તેના જમાઈ ભારતીય ક્રિકેટર કે. એલ. રાહુલે ભેગા મળીને થાણે-વેસ્ટમાં ૯.૮૫ કરોડ રૂપિયાની જમીન ખરીદી છે અને આ ટ્રાન્ઝૅક્શન માર્ચ મહિનામાં રજિસ્ટર્ડ થયું હતું. ઇન્સ્પેક્ટર જનરલ ઑફ રજિસ્ટ્રેશન (IGR) પાસે રહેલા દસ્તાવેજની વિગતો પ્રમાણે આ જમીન  ઘોડબંદર રોડ પર બહુ ઝડપથી વિકસી રહેલા અને આનંદનગર-કાસારવડવલી વચ્ચેના ઓવળા વિસ્તારમાં છે. આ વિસ્તાર ઈસ્ટર્ન અને વેસ્ટર્ન એક્સપ્રેસ હાઇવે વચ્ચે કનેક્ટિવિટી જાળવી રાખવામાં લિન્કનું કામ કરે છે તેમ જ અહીંથી થાણે, મુંબઈ અને વેસ્ટર્ન સબર્બ્સ સુધી સહેલાઈથી જઈ શકાય છે.

આ જમીનનું રજિસ્ટ્રેશન કરવા માટે ૬૮.૯૬ લાખ રૂપિયા સ્ટૅમ્પ-ડ્યુટીના અને ૩૦,૦૦૦ રૂપિયા રજિસ્ટ્રેશન-ચાર્જના ચૂકવવામાં આવ્યા હતા.