સુનીલ શેટ્ટીએ દીકરા અહાન શેટ્ટી સાથે કર્યાં ચિંચપોકલીચા ચિંતામણિનાં દર્શન

સુનીલ શેટ્ટી દીકરા અહાન શેટ્ટી સાથે મુંબઈના જાણીતા ‘ચિંચપોકલીચા ચિંતામણિ’ ગણપતિ પંડાલમાં પહોંચ્યો હતો. બાપ-દીકરાએ બાપ્પાનાં દર્શન અને પૂજા-અર્ચના કરી આશીર્વાદ લીધા હતા અને મંડળે તેમનું સન્માન કર્યું હતું.

સુનીલ શેટ્ટી અને અહાન શેટ્ટી

સુનીલ શેટ્ટી તેના દીકરા અહાન શેટ્ટી સાથે જાણીતા ગણપતિ પંડાલ ‘ચિંચપોકલીચા ચિંતામણિ’ પહોંચ્યો હતો. શનિવારની તેમની આ મુલાકાતનો આ વિડિયો હવે સોશ્યલ મીડિયામાં ચર્ચામાં આવ્યો છે. મંડળના આયોજકોએ બાપ-દીકરાની આ જોડીને સન્માનિત પણ કરી હતી. બન્નેએ પૂજા-અર્ચના કરી અને ગણપતિબાપ્પાના આશીર્વાદ લીધા હતા. પંડાલ તરફથી શૅર કરવામાં આવેલા એક વિડિયોમાં સુનીલ શેટ્ટીએ દીકરા સાથે બાપ્પાનાં દર્શન કર્યાં અને ત્યાં હાજર ભીડનું નમસ્તે કરીને અભિવાદન કર્યું હતું.