Suresh Raina On Vijay 69: અનુપમ ખેરની ફિલ્મ વિજય 69 જોઈને પ્રભાવિત થયો સુરેશ રૈના- એક્ટરના અભિનયને દાદ આપી

Suresh Raina On Vijay 69: વિજય 69 જોયું, આ ખરેખર એક ઉત્તમ ફિલ્મ છે. ફિલ્મના સંદેશા અને ભાવનાઓએ મને હચમચાવીને મૂકી છે

સુરેશ રૈના અને વિજય 69 ફિલ્મનું પોસ્ટર

વિજય 69ને લઈને મહત્વના સમાચાર સામે આવ્યા છે. તાજેતરમાં જ સુરેશ રૈનાએ આ ફિલ્મ જોયા બાદ પોસ્ટ (Suresh Raina On Vijay 69) લખી હતી, તે પોસ્ટ ખૂબ જ વાયરલ થઈ હતી. સુરેશ રૈનાએ પોતાના સપનાને જીવવા માટેના સંઘર્ષ પર ભાવુક વાત કરતાં પોસ્ટ મૂકી હતી. તેઓએ લખ્યું હતું કે “‘વિજય 69’ એ તો મારા ક્રિકેટ માટેના સંઘર્ષની યાદો તાજી કરી!” આ રીતે સુરેશ રૈનાએ ફિલ્મ જોયા બાદ તેની સરાહના કરી હતી.

સુરેશ રૈનાને યાદ આવ્યા સંઘર્ષના દિવસો- ભાવુક પોસ્ટ મૂકી

તાજેતર જ ભૂતપૂર્વ ભારતીય ક્રિકેટર સુરેશ રૈના (Suresh Raina On Vijay 69)એ નેટફ્લિક્સ પરની ફિલ્મ ‘વિજય 69’ જોઈ હતી, અને તે જોયા બાદ તેણે સોશિયલ મીડિયા પર એક ભાવુક પોસ્ટ પણ શેર કરી હતી. સુરેશ રૈનાએ આ ફિલ્મને પ્રેરણાદાયી ગણાવી હતી આ સાથે જ તેણે કહ્યું કે તે તેને પોતાના સંઘર્ષ અને સપનાને પૂર્ણ કરવા માટેના દિવસોની યાદ અપાવે છે.

તમને જણાવી દઈએ કે સુરશ રૈનાએ આ પહેલા એક્સ પર પણ પોસ્ટ શૅર કરી હતી. જેમઆ તેણે લખ્યું હતું કે, "વિજય 69 જોયું, જે હવે નેટફ્લિક્સ પર સ્ટ્રીમ થઈ રહ્યું છે! આ ખરેખર એક ઉત્તમ ફિલ્મ છે. ફિલ્મના સંદેશા અને ભાવનાઓએ મને હચમચાવીને મૂકી છે, આ ફિલ્મે મને એ દિવસોની યાદ અપાવી જ્યારે મેં ભારત માટે રમવાનું સપનું ક્યારેય છોડી દીધું ન હતું, ભલે મારી સામે કેટલીય મુશ્કેલીઓ ઉભી રહી હતી.

આપણા સૌના અંદર એક વિજય મેથ્યુ છુપાયો છે- સુરેશ રૈના 

Suresh Raina On Vijay 69: તમને જણાવી દઈએ કે આ ફિલ્મનો સુરેશ રૈના પર પડેલો પ્રભાવ ખૂબ જ જબરદસ્ત છે. તે અંગે તેણે પોસ્ટમાં લખ્યું હતું કે, "ફિલ્મો જોતી વખતે મારી આંખો બહુ ઓછા પ્રસંગે ભીની થઈ જાય છે, પરંતુ આ ફિલ્મ મારા દિલને ગહન રીતે સ્પર્શી ગઈ છે. અને મને યાદ અપાવ્યું કે મેં કેવી રીતે સંઘર્ષ કર્યો અને મારા દેશ માટે રમવાની તથા ભારતને ગૌરવ અપાવવાનું સપનું પૂરું કરવા માટે ક્યારેય હાર માનવી નહીં. મને લાગે છે કે આપણા સૌના અંદર એક વિજય મેથ્યુ છુપાયો છે."

તેણે લખ્યું (Suresh Raina On Vijay 69) હતું કે, અનુપમ ખેર જી, આ તમારું અત્યાર સુધીનું શ્રેષ્ઠ પરફોર્મન્સ છે. હું સામાન્ય રીતે ફિલ્મો જોઈને ભાવુક થતો નથી, પણ આ ફિલ્મે મને અંદર સુધી સ્પર્શી ગઈ છે. આ ફિલ્મે મને શીખવાડ્યું કે દરેક માનવીમાં એક ‘વિજય મેથ્યુ’ છુપાયો છે. મને આશા છે કે દરેક ભારતીયે આ ફિલ્મ જોઈ લેવી જોઈએ."

રૈનાએ આગળ લખ્યું હતું કે, "હું સૌને કહું છું કે ક્યારેય તમારા સપનાને અધવચ્ચે ન મૂકો, તમે તેને મજબૂત ઈચ્છાશક્તિ અને મહેનતથી ચોક્કસ સિદ્ધ કરી શકો છો. અનુપમજી, વિજય 69 દ્વારા અમને પ્રેરિત કરવા માટે આભાર. આ ફિલ્મ દરેક ભારતીય માટે પ્રેરણા છે."