ઉર્વશી રાઉતેલાનું કાન 2025નું આઉટફિટ જોઈ લોકોએ સાવ આવું કહી દીધું...

Urvashi Rautela Cannes 2025: મંગળવારે ઉર્વશી રાઉતેલા કાન્સ ફિલ્મ ફેસ્ટિવલમાં હાજરી આપી હતી. આ દરમિયાન, રેડ કાર્પેટ પર ચાલતી વખતે, ઉર્વશીના લુક, મેકઅપ અને તેના ક્લચે બધાનું ધ્યાન ખેંચ્યું. ઉર્વશીના ફોટા સોશિયલ મીડિયા પર વાયરલ થઈ રહ્યા છે.

ઉર્વશી રાઉતેલા કાન ફિલ્મ ફેસ્ટિવલમાં (તસવીર સૌજન્ય: સોશિયલ મીડિયા)

મંગળવારે ઉર્વશી રાઉતેલા કાન ફિલ્મ ફેસ્ટિવલમાં હાજરી આપી હતી. આ દરમિયાન, રેડ કાર્પેટ પર ચાલતી વખતે, ઉર્વશીના લુક, મેકઅપ અને તેના પોપટ જેવા દેખાતા લાખો રૂપિયાના  ક્લચે બધાનું ધ્યાન ખેંચ્યું. ઉર્વશીના ફોટા સોશિયલ મીડિયા પર વાયરલ થઈ રહ્યા છે. હકીકતમાં, ઉર્વશી પોપટ આકારનો ક્રિસ્ટલ ક્લચ લઈને કાન્સ ફિલ્મ ફેસ્ટિવલમાં ગઈ હતી. એ ક્લચની કિંમત એટલી છે કે તમે જાણીને ચોંકી જશો.

શું છે કિંમત?
ઉર્વશી રાઉતેલા કાન 2025માં રંગબેરંગી ફિશટેલ ગાઉનમાં રેડ કાર્પેટ પર વૉક કર્યું. ઉર્વશીએ વાદળી, લાલ અને પીળા રંગોનો સ્ટ્રેપલેસ આઉટફિટ અને મેચિંગ ટિયારા પહર્યું હતું. પરંતુ જેની સૌથી વધુ ચર્ચા થઈ રહી છે તે છે તેનો ક્લચ. હવે આ ક્લચની કિંમત વિશે વાત કરીએ તો, ડાયેટ સબ્યા ઇન્સ્ટાગ્રામ પેજ પર ઉલ્લેખ કરવામાં આવ્યો છે કે આ ક્લચ જુડિટ લીબર દ્વારા ડિઝાઇન કરવામાં આવ્યો છે અને તેની કિંમત 4,68,064.10 રૂપિયા છે.

સોશિયલ મીડિયા પ્રતિક્રિયા
બાય ધ વે, ઉર્વશીના બૉલ્ડ મેકઅપ પર ઘણી ટિપ્પણીઓ આવી હતી કે તેણે ઓવર મેકઅપ કર્યો હતો. એક યુઝરે કમેન્ટ કરી કે શું ત્યાં ડાકુ મહારાજ ફિલ્મ બતાવવામાં આવી હતી? કોઈએ લખ્યું કે ઉર્વશીને કાન્સ ફેસ્ટિવલમાં રેડ કાર્પેટ છોડી દેવાનું કહેવામાં આવ્યું હતું. તે જ સમયે, અભિનેત્રીના ચાહકો તેના વખાણ કરી રહ્યા છે અને કહી રહ્યા છે કે તે ખૂબ જ સુંદર દેખાઈ રહી છે. ઓરીએ પણ ટિપ્પણી કરી કે તેના આઉટફિટમાં એક વસ્તુ ખૂટે છે, અને તે છે રોલેક્સ ઘડિયાળ.

એક સોશિયલ મીડિયા યુઝરે કમેન્ટ કરતાં લખ્યું "ઉર્વશીને પ્રાણી સંગ્રહાલયમાં મુકો." બીજા એક યુઝરે લખ્યું, `તે પોપટ સાથે લોકોનું ફ્યુચર કહેવા ત્યાં ગઈ છે.` એક સોશિયલ મીડિયા પોસ્ટમાં લખ્યું હતું કે, `કાન્સમાં 4.68 લાખ રૂપિયાનો પોપટ ક્લચ રાખનારી પ્રથમ મહિલા છે.`

ઉર્વશીનો કાન્સ સાથે છે ખાસ સંબંધ
ઉર્વશી રાઉતેલાનો કાન ફિલ્મ ફેસ્ટિવલ સાથે ઘણો લાંબો સંબંધ રહ્યો છે. તે દર વર્ષે તેના લુક્સ અને પ્રોજેક્ટ્સ દ્વારા આ પ્લેટફોર્મ પર પોતાની ઓળખ બનાવે છે. આ વખતે, તેના અનોખા ક્લચે ફેશન જગતમાં એક નવી ચર્ચા જગાવી છે. કેટલાક તેને ક્રિએટિવિટીનું પ્રતીક માની રહ્યા છે, જ્યારે કેટલાક તેને ફેશનમાં અતિશયોક્તિનું ઉદાહરણ કહી રહ્યા છે.

પ્રોફેશનલ લાઈફ
ઉર્વશીના પ્રોફેશનલ લાઇફ વિશે વાત કરીએ તો, તે છેલ્લે ફિલ્મ ડાકુ મહારાજમાં જોવા મળી હતી અને તે ફિલ્મના ગીત `દાબીડી` પર ઘણો વિવાદ થયો હતો. ઘણા લોકોએ ગીતના સ્ટેપ્સ પર નારાજગી વ્યક્ત કરી હતી. આ પછી, તે આ વર્ષે રિલીઝ થયેલી ફિલ્મ જાટના ગીત "ટચ કિયા" માં પણ જોવા મળી હતી. હવે તે વેલકમ ટુ ધ જંગલ અને કસૂર 2માં જોવા મળશે.