સિંગાપોરમાં પોતાના વૅક્સ સ્ટૅચ્યુ પાસે વરુણ ધવને પડાવ્યો ફૅમિલી-ફોટો

વરુણ ધવને પત્ની નતાશા દલાલ અને દીકરી લારા સાથે સિંગાપોર વેકેશનની તસવીરો શૅર કરી છે. મૅડમ ટુસૉમાં પોતાના વૅક્સ સ્ટૅચ્યુ સાથે ફૅમિલી ફોટોએ સૌનું ધ્યાન ખેંચ્યું હતું.

સિંગાપોરમાં પોતાના વૅક્સ સ્ટૅચ્યુ પાસે વરુણ ધવને પડાવ્યો ફૅમિલી-ફોટો

વરુણ ધવન હાલમાં પત્ની નતાશા દલાલ અને બે વર્ષની દીકરી લારા સાથે વેકેશન માટે સિંગાપોર ગયો હતો. વરુણે સોશ્યલ મીડિયા પર આ યાદગાર પ્રવાસની અનેક તસવીરો શૅર કરી હતી, જેમાં સિંગાપોરના મૅડમ ટુસૉ મ્યુઝિયમમાં પોતાના વૅક્સના સ્ટૅચ્યુ સાથેની ખાસ મુલાકાત પણ સામેલ હતી. આ તસવીરોમાં વરુણ પોતાના વૅક્સના સ્ટૅચ્યુની બાજુમાં પોઝ આપતો જોવા મળે છે. આ સમયે વરુણ, નતાશા અને લારાએ સ્ટૅચ્યુ સાથે ફૅમિલી-ફોટો પણ પડાવ્યો હતો. જોકે હંમેશની જેમ વરુણે સોશ્યલ મીડિયા પર દીકરીનો ચહેરો છુપાવીને જ તસવીરો શૅર કરી હતી.