કરણ જોહરની નેકસ્ટ ફિલ્મમાં વેદિકા પિન્ટો?

ઍક્ટ્રેસ ધર્મા પ્રોડક્શન્સની ઑફિસની બહાર સ્ક્રિપ્ટ સાથે જોવા મળતાં આવી ચર્ચા શરૂ થઈ ગઈ છે

કરણ જોહર

‘મુસાફિર કૅફે’થી ઍક્ટ્રેસ વેદિકા પિન્ટોને સારી એવી લોકપ્રિયતા મળી છે. હાલમાં વેદિકા ધર્મા પ્રોડક્શન્સની ઑફિસ બહાર હાથમાં સ્ક્રિપ્ટ સાથે જોવા મળી હતી. આ સમયે વેદિકાએ વાઇટ ટૅન્ક ટૉપ અને ડેનિમ જીન્સ પહેર્યું હતું અને સાઇડ-બૅગ કૅરી કરી હતી. ખુલ્લા વાળ સાથે નો-મેકઅપ લુકમાં તે ગજબની સુંદર લાગી રહી હતી. ધર્મા પ્રોડક્શન્સની બહાર ક્લિક થયેલી વેદિકાની હાથમાં રહેલી સ્ક્રિપ્ટે ચાહકોનું ખાસ ધ્યાન ખેંચ્યું હતું અને તેણે ફોટોગ્રાફર્સ માટે પોઝ પણ આપ્યા હતા. વેદિકાના આ ઉત્સાહભર્યા વર્તન પછી ચર્ચા ચાલી છે કે કરણ જોહરે તેને નવી ફિલ્મ ઑફર કરી છે. જોકે અત્યાર સુધી આ અંગે વેદિકા પિન્ટો કે ધર્મા પ્રોડક્શન તરફથી કોઈ સત્તાવાર પ્રતિક્રિયા આપવામાં આવી નથી.