વિશાલ દદલાણીએ ઇન્ડિયન આઈડલને હંમેશા માટે કહ્યું અલવિદા, પોસ્ટમાં જણાવ્યું કારણ

મ્યૂઝિક કમ્પોઝર વિશાલ દદલાણીએ પોતાની એક સોશિયલ મીડિયા પોસ્ટમાં જણાવ્યું છે કે હવે તે ક્યારેય ઇન્ડિયન આઇડલના જજ તરીકે નહીં દેખાય. તેમણે 6 સીઝન હોસ્ટ કર્યા બાદ શૉને અલવિદા કહી દીધું છે.

વિશાલ દદલાણી (ફાઈલ તસવીર)

મ્યૂઝિક કમ્પોઝર વિશાલ દદલાણીએ પોતાની એક સોશિયલ મીડિયા (Social Media) પોસ્ટમાં જણાવ્યું છે કે હવે તે ક્યારેય ઇન્ડિયન આઇડલના જજ તરીકે નહીં દેખાય. તેમણે 6 સીઝન હોસ્ટ કર્યા બાદ શૉને અલવિદા કહી દીધું છે.

મ્યૂઝિક કમ્પોઝર વિશાલ દદલાણીએ હંમેશ માટે સિંગિંગ રિયાલિટી શૉ ઈન્ડિયન આઈડલને અલવિદા કહી દીધું છે. વિશાલ છેલ્લી 6 સિઝનથી શૉને જજ કરી રહ્યા હતા. તેમણે શરૂઆતની કેટલીક સિઝનમાં નેહા કક્કડ, હિમેશ રેશમિયા સાથે શૉ જજ કર્યો હતો. ઈન્ડિયન આઈડલની 15મી સિઝનમાં શ્રેયા ઘોષાલ અને બાદશાહ તેમના કૉ-જજ હતાં. તેમણે બધા સાથીદારોને અલવિદા કહેતા વીડિયો સાથે એક પોસ્ટ શૅર કરી છે. આ પોસ્ટમાં તેમણે જણાવ્યું છે કે હે તે ઇન્ડિયન આઇડલને જજ કરતાં નહીં જોવા મળે. આ તેમની છેલ્લી સિઝન હતી.

વિશાલે ઇન્ડિયન આઇડલ ૧૫ ના પોતાના છેલ્લા વીડિયોમાંથી એક શૅર કર્યો અને લખ્યું, “ગુડબાય મિત્રો, સીઝન ૬માં અમારી મજા કરતાં હું તમને વધુ યાદ કરીશ.” વિશાલે આગળ લખ્યું, “મારા માટે બસ આટલું જ બાકી છે મિત્રો! સતત છ સીઝન પછી, આજે રાત્રે ઇન્ડિયન આઇડલ પર જજ તરીકેનો મારો છેલ્લો એપિસોડ છે. મને આશા છે કે શો મને જેટલો યાદ કરે છે તેટલો જ મને પણ યાદ આવશે. શ્રેયા, બાદશાહ, આદિ, આરાધના, ચિત્રા, આનંદ જી, સોનલ, પ્રતિભા, સાહિલ, સલોની, મુસ્કાન, અભિષા, આખી પ્રોડક્શન ટીમ, વિલાસ, કૌશિક (પિંકી), અને વર્ષોથી બધા કૉ-જજ, ગાયકો અને સંગીતકારો, આભાર! તે ખરેખર ઘર જેવું છે. તે સ્ટેજ સાચો પ્રેમ છે! સંગીત બનાવવાનો, કોન્સર્ટ કરવાનો અને લગભગ ક્યારેય મેકઅપ ન કરવાનો સમય! જય હો!” વિશાલ હવે ફરીથી સંગીત બનાવવામાં અને કોન્સર્ટ કરવામાં વ્યસ્ત જોવા મળશે.

વિશાલ દદલાણીની આ પોસ્ટ પર મનોરંજન જગતની ઘણી હસ્તીઓએ પ્રતિક્રિયા આપી છે. ટીવી અભિનેત્રી અદા ખાને રડતી ઇમોજી શેર કરી છે. શોના હોસ્ટ આદિત્ય નારાયણે લખ્યું, `એક યુગનો અંત. મોટા ભાઈ, તમારા વગર ઇન્ડિયન આઇડલ ક્યારેય પહેલા જેવું નહીં રહે. સાથે વિતાવેલી બધી અદ્ભુત ક્ષણો માટે હું આભારી છું. બાદશાહે લખ્યું, `જાને નહીં, દેંગે તુજે`, ક્રિકેટર યુવરાજ સિંહની પત્ની, અભિનેત્રી હેઝલ કીચે પણ વિશાલની આ પોસ્ટ પર ટિપ્પણી કરી છે. તેણે લખ્યું, `તમે "ઓલ ડોગ્સ ગો ટુ હેવન" ઓડિયો ક્લિપનો ઉપયોગ કર્યો. (તે મારી પ્રિય એનિમેટેડ ફિલ્મોમાંની એક હતી) આ પોસ્ટ ખરેખર હૃદયદ્રાવક છે, મારી માતા હવે તમને ટીવી પર જોઈને ભાવુક નહીં થાય. વિશાલ દદલાણીએ ઘણી સીઝન સુધી દર્શકોનું મનોરંજન કર્યું.