29 November, 2021 01:47 PM IST | Mumbai | Gujarati Mid-day Correspondent
ઈશા ગુપ્તા
ઈશા ગુપ્તાને કેવો પાર્ટનર જોઈએ છે એ વિશે તેણે ખુલાસો કર્યો છે. જોકે તેના રિલેશનની ચર્ચા સ્પેનના બિઝનેસમૅન મૅન્યુઅલ કમ્પોસ ગ્વાલર સાથે ચાલી રહી છે. તેણે મૅન્યુઅલ સાથેના કેટલાક ફોટો પણ શૅર કર્યા હતા. હવે તેણે જણાવ્યું છે કે તેને કેવા પાર્ટનરની જરૂર છે. એ વિશે ઈશાએ કહ્યું હતું કે ‘મારી ફૅમિલી અને મારા ફ્રેન્ડ્સની વાત આવે તો હું ખૂબ પ્રાઇવેટ પર્સન છું. લોકો મારા વિશે ઘણુંબધું લખે છે, પરંતુ મને એનાથી કોઈ ફરક નથી પડતો. અમારા પરિવારમાં પુરુષો કરતાં મહિલાઓ વધુ સફળ છે. પેરન્ટ્સ તેમની દીકરીઓને આત્મનિર્ભર બનતાં શીખવાડે છે. જો હું કોઈ ધનવાન વ્યક્તિ સાથે લગ્ન કરું અને એ મને તરછોડી દે તો હું તેના ખોરાકી-પોષાકી પર નિર્ભર ન રહી શકું. મારી પાસે મારું પોતાનું કહી શકાય એવું હોવું જોઈએ. હું મારી અટક બદલવા નથી માગતી. હું એવા પાર્ટનરની ઇચ્છા રાખું છું જે મને સપોર્ટ કરે અને મને બદલવાનો પ્રયાસ ન કરે.’