12 June, 2021 12:06 PM IST | Mumbai | Gujarati Mid-day Correspondent
સલમાન ખાન
વિજય અને વિજય સેતુપતિની ‘માસ્ટર’ની હિન્દી રીમેકમાં સલમાન ખાન જોવા મળશે એવી શક્યતા છે. ‘માસ્ટર’ આ વર્ષે જાન્યુઆરીમાં રિલીઝ થઈ હતી. એની હિન્દી રીમેકને એન્ડમોલ શાઇન ઇન્ડિયા અને મુરાદ ખેતાની, સેવન સ્ક્રીન સ્ટુડિયોઝ સાથે મળીને પ્રોડ્યુસ કરશે. સલમાને પણ આ ફિલ્મ જોઈ છે અને તે આ ફિલ્મ કરવા માટે તૈયાર થઈ ગયો છે. જોકે લૉકડાઉન લાગુ થવાથી વાત આગળ વધી શકી નહીં. હવે પ્રોડ્યુસર્સ મીટિંગ કરીને ચર્ચા કરશે અને સ્ક્રિપ્ટમાં પણ થોડાઘણા ફેરફાર કરશે. સલમાન સામે કોને લેવો એ વિશે હજી શોધ ચાલી રહી છે. ડિરેક્ટરની પણ પસંદગી કરવામાં નથી આવી. સલમાને પણ હજી સુધી એ વિશે કોઈ માહિતી નથી આપી. સલમાનની આગામી ફિલ્મોની વાત કરીએ તો તે ‘અંતિમ : ધ ફાઇનલ ટ્રૂથ’, ‘ટાઇગર 3’, ‘કભી ઈદ કભી દિવાલી’ અને ‘કિક 2’માં જોવા મળશે. જુલાઈમાં સલમાન તેના ઍક્શન-થ્રિલરની જાહેરાત કરવાનો છે.