યામીનું વર્કિંગ બર્થ-ડે સેલિબ્રેશન

દર્શકો, ચાહકો અને મીડિયા-મિત્રો તરફથી મળેલી શુભકામના બદલ તેણે માન્યો આભાર

વાયરલ વીડિયોમાંથી સ્ક્રીન શૉટ

શુક્રવારે યામી ગૌતમની ૩૮મી વર્ષગાંઠ હતી. યામીએ એ દિવસે કરેલા સેલિબ્રેશનના વિડિયો અને ફોટો સોશ્યલ મીડિયામાં શૅર કર્યા છે. યામીએ આ વિડિયો સાથે હૃદયસ્પર્શી નોંધ લખીને તમામ ફૅન્સનો આભાર માન્યો છે. યામીએ પોતાના સોશ્યલ મીડિયામાં એક વિડિયો શૅર કર્યો છે જેમાં તે એક રેસ્ટોરાંમાં બર્થ-ડે કેક કટ કરતી જોવા મળે છે. કેક-કટિંગ બાદ તેણે હાથ જોડીને ત્યાં હાજર તમામ લોકોનો આભાર માન્યો હતો.

વિડિયો સાથે યામીએ કૅપ્શન લખી છે, ‘વર્કિંગ ટાઇમ દરમ્યાન આવતો જન્મદિવસ સૌથી ખાસ હોય છે. ઘરથી દૂર હોવા છતાં મેં મારા પોતાના ઘર જેવી જગ્યાએ જન્મદિવસ ઊજવ્યો છે. હું તમામ દર્શકો, ચાહકો અને મીડિયાના મિત્રો તરફથી મળેલી શુભકામનાઓ બદલ તમારો હૃદયપૂર્વક આભાર માનું છું. તમારા આ પ્રેમ બદલ ખૂબ-ખૂબ આભાર.’