05 October, 2022 08:15 PM IST | Mumbai | Gujarati Mid-day Online Correspondent
કરીના કપૂર
ફેન્સ પોતાના ફેવરિટ સ્ટાર્સની એક ઝલક મેળવવા માટે આતુર રહેતા હોય છે. આવી સ્થિતિમાં જ્યારે તેમને તેમના મનપસંદ સ્ટારને મળવાનો મોકો મળે છે, તો ક્યારેક તેઓ ઉત્સાહમાં પોતાનો હોંશ ગુમાવી બેસે છે. આવી જ ઘટના ફરી એકવાર બની છે. હાલમાં જ કરીના કપૂર (Kareena Kapoor)ને જોઈને એક ફેને કંઈક આવું જ કર્યું, જેને જોઈને લોકો પણ આશ્ચર્યચકિત થઈ ગયા. વાસ્તવમાં, કરીનાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં એક વ્યક્તિ ફોટો પડાવવા માટે અભિનેત્રીની ખૂબ નજીક આવ્યો હતો. પોતાની આટલી નજીક વ્યક્તિને જોઈને બેબો પણ ડરી ગઈ હતી.
આ વીડિયો વિરલ ભાયાણીના ઓફિશિયલ ઈન્સ્ટા પેજ પરથી શેર કરવામાં આવ્યો છે. વીડિયોમાં તમે જોઈ શકો છો કે અભિનેત્રી એરપોર્ટ પર છે અને ચાહકોએ તેને ઘેરી લીધી છે. આ દરમિયાન એક વ્યક્તિ કરીનાના ખભા પર હાથ રાખવાનો પ્રયાસ કરે છે. તે કરીનાના ખભા પર હાથ મૂકીને તેની સાથે તસવીર લેવાનો પ્રયાસ કરે છે, પરંતુ કરીનાના ગાર્ડ્સે તે વ્યક્તિનો હાથ પકડીને તેને ખસેડ્યો હતો. આ પછી પણ તે વ્યક્તિ વારંવાર અભિનેત્રી સાથે ફોટો પડાવવા માટે બેતાબ લાગે છે. જ્યારે ફેન કરીનાની નજીક આવવાનો પ્રયાસ કરે છે અને તેના ખભા પર હાથ મૂકે છે, તો કરીના પણ ડરી જાય છે. તેના ચહેરાના હાવભાવ જોઈને કહી શકાય કે બેબો પણ ફેન્સની આ હરકતથી અસહજ હતી.
આ વીડિયો સામે આવ્યા બાદ તેના પર સોશિયલ મીડિયા યુઝર્સની પ્રતિક્રિયાઓ પણ આવવા લાગી છે. એક યુઝરે વીડિયો પર કોમેન્ટ કરતા લખ્યું છે કે, `બેબો ડરી ગઈ હતી`. તો બીજાએ લખ્યું છે, `દોસ્ત તે પબ્લિક પ્રોપર્ટી નથી`. તે જ સમયે અન્ય યુઝર્સે લખ્યું, `એક મર્યાદા છે. કેટલાક લોકો સાવ અજાણ હોય છે. જ્યારે કેટલાક લોકોનું કહેવું છે કે જો કરીનાની જગ્યાએ કોઈ પુરૂષ અભિનેતા હોત તો તેની આટલી હિંમત ન હોત.