29 January, 2021 07:36 PM IST | Mumbai | Gujarati Mid-day Online Correspondent
મનાલીની વેલીઝમાં શૂટ થયેલું આ ગીત બે પ્રેમીઓની સ્ટોરી કહે છે જે જિંદગી અને પ્રેમને ઉજવે છે
ગાયક ભૂમિક શાહે પહેલાં પણ અનેક ગીતોથી ચાહકોના મન મોહી લીધા છે. તેણે પોતાની કારકિર્દીની શરૂઆત તબલા આર્ટિસ્ટ તરીકે કરી હતી અને હવે છેલ્લા કેટલાય સમયથી તે લોકોને કાયમી રીતે પ્રભાવિત કરી દે તેવા ગીતોની રચના કરતા રહે છે. હવે સિંગર ભૂમિક શાહ એક્ટ્રેસ ભક્તિ કુબાવતને ફિચર કરનારું એક સુંદર ગીત લઇને આવ્યા છે. મનાલીની વેલીઝમાં શૂટ થયેલું આ ગીત બે પ્રેમીઓની સ્ટોરી કહે છે જે જિંદગી અને પ્રેમને ઉજવે છે. આ ગીત ભૂમિક શાહે ગાયું છે અને ભૂમિક શાહની યુ ટ્યૂબ પર ઑફિશ્યલી રિલીઝ થઇ ચૂક્યું છે. ભાર્ગવ પુરોહિતે લખેલું આ ગીત, અર્પણ મહિલાએ સંગીતબદ્ધ કર્યું છે અને ડાયરેક્શન સૌરભ ગજ્જરે કર્યુ ંછે.
ગાયકે તેમના ફેન્સને આ ગીતની ઝલક આપીને પુરતી ઉત્સુકતા જગાવી છે અને ટીઝર પણ લોકોને બહુ પસંદ આવ્યું હતું. ભૂમિક શાહના આ ગીતને પણ ખૂબ પ્રસંશા મળી રહી છે. આ પહેલાં ભૂમિક શાહનું ગીત મેરી આરઝુ આવ્યું હતું અને લોકોએ તેને પણ ખૂબ પસંદ કર્યું હતું. હાલમાં ભૂમિક શાહ તેમના લાવઇ પરફોર્મન્સિઝથી ગ્લોબલ ઑડિયન્સ કેળવી ચૂક્યા છે અને છેલ્લા કેટલાક વર્ષમાં તેમણે અનેક દેસોમાં પરફોર્મન્સિઝ આપ્યાં છે.