02 July, 2021 06:45 PM IST | Mumbai | Gujarati Mid-day Online Correspondent
લૉકડાઉન પહેલાં યોજાયેલા મેળામાં આ ગીતનું શૂટ થયું છે.
મારે તો મેળે જાવું છે.... આ એક જાણીતું લોકગીત છે અને આપણે તેને સતત સાંભળ્યું છે. જાણીતા ગાયક પ્રફુલ્લ દવેની દીકરી ઇશાની દવે જે પોતે પણ પૉપ્યુલર સિંગર છે તેણે એક નવા જ અંદાજમાં આ ગીત રજૂ કર્યું છે. વ્હાઇટ નોઇઝે આ ગીત પ્રોડ્યુસ કર્યું છે. લૉકડાઉન પહેલાં યોજાયેલા મેળામાં આ ગીતનું શૂટ થયું છે.
આ ગીત કરવાનો વિચાર મને 2019થી હતો. અમે બે લોક ગીતોને જોડ્યા છે. માર તો મેળે અને રૂપાળી મેળે હાલ. અમે આ ગીતનું શૂટ પહેલુ લોકડાઉન આવ્યાના થોડા જ સમય પહેલા રાજસ્થાનમાં પૂર્ણ કર્યુ હતું. અને એ લગભગ ઇન્ડિયા નો છેલ્લો લોક મેળો હતો. અમારા શૂટ વખતે કોવિડનો ફેલાવો ઇન્ડિયામાં નહિવત હતો. અમે શૂટ 3 દિવસમાં પૂર્ણ કર્યુ. આ ગીત ઈશાની દવેએ ગાયું છે તથા હરિઓમ ગઢવીએ વધારાના અવાજો આપ્યા છે. ભાર્ગવ પુરોહિતે વધારાના દુહા લખ્યા છે જે ગીતની શરૂઆતમાં આવે છે.
ઇશાની દવેએ કહ્યું કે, " માર તો મેળે એ એક નટખટ મસ્તીભર્યું ગીત છે. આ પ્રકારનું ગીત મેં આજ સુધી નથી ગાયું. આપણી સંસ્કૃતિને ઉજાગર કરવામાં મારો હંમેશાથી રસ રહ્યો છે અને આપણી લોક સંસ્કૃતિને નવી પેઢી સમક્ષ ફરી લાવવાની મારી હંમેશાથી ઈચ્છા હતી."