યશ સોની અને જાનકી બોડીવાલાના ‘ગોળધાણા’ની તૈયારીઓ શરૂ, શું જાહેરાત કરી?

આ અહેવાલો પછી, ઘણા ચાહકોએ ધાર્યું કે આ સુપર હિટ ઓન સ્ક્રીન જોડી હવે સાચેમાં લગ્ન કરી રહી છે કે શું? જોકે, હવે સ્પષ્ટતા કરવામાં આવી છે કે આ તેમની સગાઈ કે લગ્નના સમાચાર નથી; પણ `ગોળધાણા` તેમની નવી ગુજરાતી ફિલ્મનું શીર્ષક છે.

યશ સોની અને જાનકી બોડીવાલા

ગુજરાતી સિનેમાની સૌથી લોકપ્રિય જોડીમાંની એક, યશ સોની અને જાનકી બોડીવાલાને લઈને સોશિયલ મીડિયા પર ચર્ચાઓ થઈ રહી છે. જાનકી અને યશના `ગોળધાણા` (લગ્ન પહેલાની સગાઈ દરમિયાન થતી એક પરંપરા)ના સમાચાર ઝડપથી ટ્રેન્ડ થઈ રહ્યા હતા. આ અહેવાલો પછી, ઘણા ચાહકોએ ધાર્યું કે આ સુપર હિટ ઓન સ્ક્રીન જોડી હવે લગ્ન કરી રહી છે કે શું? જોકે, હવે સ્પષ્ટતા કરવામાં આવી છે કે આ તેમની સગાઈ કે લગ્નના સમાચાર નથી; પણ `ગોળધાણા` તેમની નવી ગુજરાતી ફિલ્મનું શીર્ષક છે અને હવે ફરી એક વખત જાનકી અને યશ ઓન સ્ક્રીન કપલ તરીકે જોવા મળવાના છે.

યશ સોની અને જાનકી બોડીવાલાએ અગાઉ `છેલ્લો દિવસ` અને `નાડી દોષ` જેવી અનેક સફળ ગુજરાતી ફિલ્મોમાં સાથે કામ કર્યું છે. તેમ જ યશની ‘ચણિયા ટોળી’ આ ફિલ્મમાં એક સ્પેશિયલ ગીત ‘પાંજરામાં પોપટ બોલે’માં જાનકીએ કૅમીઓ આપ્યો હતો અને બન્નેનું સોન્ગ લોકોને ખૂબ જ ગમ્યું હતું. ફિલ્મોમાં તેમની જોડીને દર્શકો તરફથી ખૂબ જ સારો પ્રતિસાદ મળ્યો છે, અને હવે તેઓ ફરી એકવાર મોટા પડદા પર સાથે દેખાવા માટે તૈયાર છે. ‘ગોળધાણા`નું શૂટિંગ સત્તાવાર રીતે શરૂ થઈ ગયું હોવાની જાહેરાત સોશિયલ મીડિયા પર કરવામાં આવી છે. વાર્તામાં લગ્ન પહેલાની ઘટનાઓ, કૌટુંબિક ગૂંચવણો, સંબંધોની જટિલતાઓ અને રોમાંસનો જોવા મળશે. ફિલ્મને લઈને દર્શકોમાં પહેલેથી જ સ્પષ્ટ ઉત્સાહ છે.

નિર્માતાઓએ શું કહ્યું

ફિલ્મની જાહેરાત સાથે, નિર્માતાઓએ એક સત્તાવાર નિવેદન જાહેર કર્યું તેમણે પોસ્ટ સાથે લખ્યું “બે મજબૂત ક્રિએટિવ ફોર્સ. એક રોમાંચક નવી વાર્તા.” નિવેદનમાં વધુમાં ઉમેરવામાં આવ્યું છે કે, “પૅનોરમા સ્ટુડિયો અને બિગ બૉક્સ સિરીઝ ગોલ્ડહાના માટે સાથે આવવા માટે ખુશ છે, જેમાં જાનકી બોડીવાલા અને યશ સોની અભિનીત છે.” આ ફિલ્મનું દિગ્દર્શન ચિન્મય પરમાર કરી રહ્યા છે અને તેનું નિર્માણ કુમાર મંગત પાઠક, અભિષેક પાઠક, મુરલીધર છટવાણી અને કૃષ્ણદેવ યાજ્ઞિક કરી રહ્યા છે.

નિર્માતાઓએ તેમના નિવેદનમાં નોંધ્યું હતું કે, “ચિન્મય પરમાર દ્વારા દિગ્દર્શિત અને કુમાર મંગત પાઠક, અભિષેક પાઠક, મુરલીધર છટવાણી અને કૃષ્ણદેવ યાજ્ઞિક દ્વારા નિર્મિત, આ ફિલ્મ સત્તાવાર રીતે ફ્લોર પર આવી ગઈ છે.” ફિલ્મની સફર માટે શુભેચ્છાઓ પાઠવતા, તેમણે ઉમેર્યું, “આજે એક સુંદર સફર છે.” ‘ગોલ્ડહાના’ પૅનોરમા સ્ટુડિયો દ્વારા દુનિયાભરના અનેક થિયેટરોમાં રિલીઝ કરવામાં આવશે. ફિલ્મનું શૂટિંગ હાલમાં ચાલી રહ્યું છે, અને કલાકારો, વાર્તા અને રિલીઝ અંગેની વધુ વિગતો ટૂંક સમયમાં જાહેર થાય તેવી અપેક્ષા છે. યશ સોની અને જાનકી બોડીવાલાની લોકપ્રિય ઓન-સ્ક્રીન જોડીને ફરીથી સાથે જોવા માટે દર્શકોમાં ભારે ઉત્સાહ છે.