હૉલીવુડ સ્ટાર જૉન્સન આવતા વર્ષે યુએસનું ઇલેક્શન લડશે

હૉલીવુડ સ્ટાર ડ્વેન જૉન્સન આવતા વર્ષે અમેરિકાનુ ઇલેક્શન લડે એવી શક્યતા છે. રૅસલરમાંથી ઍક્ટર બનેલા ડ્વેનની ફૅન ફોલોઇંગ અસંખ્ય છે

ફાઇલ તસવીર

હૉલીવુડ સ્ટાર ડ્વેન જૉન્સન આવતા વર્ષે અમેરિકાનુ ઇલેક્શન લડે એવી શક્યતા છે. રૅસલરમાંથી ઍક્ટર બનેલા ડ્વેનની ફૅન ફોલોઇંગ અસંખ્ય છે. હવે તે રાજકારણમાં એન્ટ્રી કરવાની તૈયારી કરી રહ્યો છે. એ વિશ તે અગાઉ પણ ચર્ચા કરી ચુક્યો છે. હવે ડ્વેને જણાવ્યું છે કે આવતા વર્ષે વાઇટ હાઉસના થનારા ઇલેક્શનને લઈને પૉલિટિકલ પાર્ટીઝે તેને અપ્રોચ કર્યો છે. ‘વ્હૉટ નાઉ’ નામના એક પૉડકાસ્ટમાં ડ્વેને કહ્યું હતું કે ‘૨૦૨૨ના અંતે કેટલીક પાર્ટીઝે મારી સાથે મુલાકાત કરી હતી અને મને તેમણે પૂછ્યું હતું કે શું હું ઇલેક્શન લડી શકો છો?’

તેની પૉપ્યુલારિટીને જોતા લોકોની પણ ઇચ્છા હતી કે તે ઇલેક્શન લડે. એ માટે લોકોના વિચાર જાણવામાં આવ્યા હતા અને લગભગ અમેરિકાની અડધી પબ્લિકે તેને સપોર્ટ કર્યો હતો. એ વિશે ડ્વેને કહ્યું હતું કે ‘એ ખરેખર ઇન્ટરેસ્ટિંગ સર્વે હતું અને એનાથી મને ખુશી પણ મળી હતી. હું સન્માનિત અનુભવતો હતો. આ મારા માટે મોટી બાબત હતી. મારો ઉદ્દેશ છે કે દેશમાં એકતા જળવાઈ રહે. જો લોકો પણ ચાહતા હોય કે હું ઇલેક્શન લડુ તો હું જરૂર લડીશ.’