૭૨ વર્ષના જૅકી ચૅનના મોતના વાઇરલ સમાચાર અફવા સાબિત થયા

જૅકી ચૅન દુનિયાભરમાં પોતાની ફિલ્મો અને જબરદસ્ત ઍક્શન માટે જાણીતા છે

જૅકી ચૅન

સોશ્યલ મીડિયામાં ચર્ચા હતી કે ઍક્ટર, માર્શલ આર્ટિસ્ટ અને ફિલ્મમેકર એવા ૭૨ વર્ષના જૅકી ચૅનનું નિધન થયું છે. આ પછી ઘણા લોકોએ અભિનેતાની બ્લૅક ઍન્ડ વાઇટ તસવીર સાથે ‘૧૯૫૪-૨૦૨૬’ લખીને તેમને શ્રદ્ધાંજલિ આપવાનું શરૂ કરી દીધું. જોકે આ સમાચાર અફવા સાબિત થયા હતા.

જૅકી ચૅન દુનિયાભરમાં પોતાની ફિલ્મો અને જબરદસ્ત ઍક્શન માટે જાણીતા છે. તેમની ગ્લોબલ લોકપ્રિયતાને કારણે તેમના નિધનના ખોટા સમાચાર જોતજોતાંમાં સોશ્યલ મીડિયા પર ઝડપથી ફેલાઈ ગયા અને અમેરિકામાં આવી પોસ્ટ્સ ઝડપથી શૅર કરવામાં આવી હતી. આ પોસ્ટ્સને થોડા જ કલાકોમાં લાખો વ્યુઝ મળ્યા હતા. જોકે રિપોર્ટ્સ અને ફૅક્ટ-ચેક મુજબ જૅકી ચૅનના નિધનની ખબર માત્ર અફવા છે અને જૅકી ચૅન પોતાના પ્રોજેક્ટ્સમાં વ્યસ્ત છે.