સોશિયલ મીડિયા પર જૅકી ચેનના મૃત્યુની અફવાઓ સામે આવી, જાણો વિગતો

Jackie Chan Passed Away Fake News: ઇન્સ્ટાગ્રામ અને ફેસબુક પર ઘણી પોસ્ટ્સમાં દાવો કરવામાં આવ્યો છે કે તે હવે આપણી વચ્ચે નથી. કેટલાક તો એવો પણ દાવો કરે છે કે તેમની પત્ની અને પુત્રીએ આ વાતની પુષ્ટિ કરી છે.

જૅકી ચેન ફાઇલ તસવીર (સૌજન્ય: મિડ-ડે)

"હી-મેન" ધર્મેન્દ્ર વિશેના સ્વાસ્થ્ય અપડેટ્સ વચ્ચે, માર્શલ આર્ટિસ્ટ અને અભિનેતા જૅકી ચેનના મૃત્યુના અહેવાલો પણ વાયરલ થઈ રહ્યા છે. ઇન્સ્ટાગ્રામ અને ફેસબુક પર ઘણી પોસ્ટ્સમાં દાવો કરવામાં આવ્યો છે કે તે હવે આપણી વચ્ચે નથી. કેટલાક તો એવો પણ દાવો કરે છે કે તેમની પત્ની અને પુત્રીએ આ વાતની પુષ્ટિ કરી છે. જો કે, આ દાવા ખોટા છે. 71 વર્ષીય અભિનેતા જીવંત અને સ્વસ્થ છે.

હકીકતમાં, જૅકી ચેનના મૃત્યુના સમાચાર સોશિયલ મીડિયા પર વાયરલ થયા હતા, અને તેનું કારણ તેમની જૂની ઈજા હોવાનું જણાવાયું હતું. તેમાં લખ્યું હતું કે, "જૅકી ચેન, 71, દાયકાઓ પહેલા થયેલી ઈજાથી થયેલી ગૂંચવણો સામે લડ્યા બાદ મૃત્યુ પામ્યા છે. હૉલીવુડના દિગ્ગજોએ શ્રદ્ધાંજલિ આપી છે, અને પરિવારે આ સમાચારની પુષ્ટિ કરી છે."

લોકોએ જૅકી ચેન વિશે પોસ્ટ કરી
બીજા એક વ્યક્તિએ દાવો કર્યો કે તેમનું મૃત્યુ સ્વાસ્થ્ય સમસ્યાઓના કારણે થયું છે, તેમણે કહ્યું કે, "2016 ના ઓસ્કાર વિજેતા જૅકી ચેનનું મહિનાઓની સારવાર પછી મૃત્યુ થયું છે." બીજાએ લખ્યું, "જૅકી ચેનનું ચાર દિવસ પહેલા અવસાન થયું હતું અને કોઈએ કંઈ કહ્યું નહીં?!" બીજાએ લખ્યું, "આ સોશિયલ નેટવર્કિંગ પ્લેટફોર્મ પર પોસ્ટ શેર કરતા પહેલા લોકોને પોતાનું રિસર્ચ કરવાની યાદ અપાવવા માગુ છું. હું વારંવાર કહેવા માગુ છું કે જૅકી ચેન મૃત્યુ પામ્યા નથી."

જૅકી ચેનના મૃત્યુની અફવાઓ પહેલા પણ સામે આવી છે
એવું કહેવામાં આવી રહ્યું છે કે આ પહેલી વાર નથી બન્યું. જૅકી ચેનના મૃત્યુની અફવાઓ 2015 માં સામે આવી હતી. અભિનેતાએ પોતે આ અંગે પ્રતિક્રિયા આપતા કહ્યું, "જ્યારે હું ફ્લાઇટમાંથી ઉતર્યો, ત્યારે બે સમાચારે મને આશ્ચર્યચકિત કરી દીધો. પ્રથમ, હું હજી પણ જીવિત છું. બીજું, મારા નામનો ઉપયોગ કરીને Weibo પર રેડ પોકેટ્સ વિશે કૌભાંડ પર વિશ્વાસ ન કરો."

હાલમાં હૃતિક રોશન અને હૉલીવુડના ઍક્શનસ્ટાર જૅકી ચૅન વચ્ચે અમેરિકાના બેવર્લી હિલ્સમાં ખાસ મુલાકાત થઈ. હકીકતમાં હૃતિક તેની ગર્લફ્રેન્ડ સબા આઝાદ સાથે વેકેશન ગાળવા અમેરિકા ગયો છે અને અહીં જ તેની મુલાકાત જૅકી ચૅન સાથે થઈ હતી. હૃતિકે પોતાના સોશ્યલ મીડિયા અકાઉન્ટમાં જૅકી ચૅન સાથેની તસવીર પોસ્ટ કરી છે જેમાં બન્ને સ્ટાર્સના ચહેરા પર એકબીજાને મળવાની ખુશી દેખાઈ રહી છે. હૃતિકે ગઈ કાલે સોશ્યલ મીડિયા પર જૅકી ચૅન સાથેની તસવીર પોસ્ટ કરીને કૅપ્શન લખી કે ‘આપને અહીં મળીને સારું લાગ્યું સર. મારાં તૂટેલાં હાડકાં તમારાં તૂટેલાં હાડકાંને સલામ કરે છે. ફૉરેવર ઍન્ડ ઑલ્વેઝ.’