28 September, 2021 06:25 PM IST | Mumbai | Gujarati Mid-day Online Correspondent
પંકજ ત્રિપાઠી અને પ્રતિક ગાંધી
કૌન બનેગા કરોડપતિ 13 તેની સાપ્તાહિક શાનદાર શુક્રવાર શ્રેણીના ભાગરૂપે કેટલીક પ્રખ્યાત હસ્તીઓને હોટ સીટ પર લાવી રહી છે, જ્યાં સેલિબ્રિટીઝ અમિતાભ બચ્ચન દ્વારા હોસ્ટ કરતાં ગેમ શો રમે છે. આ અઠવાડિયે, સોની ટીવી શોમાં અભિનેતા પંકજ ત્રિપાઠી અને પ્રતિક ગાંધીનું સ્વાગત કરશે. એપિસોડના પ્રોમોથી જણાય છે કે હોસ્ટ અને સ્પર્ધકો માટે આ એક મનોરંજક એપિસોડ રહેશે.
પ્રતીક, જે સોની LIV ની વેબ સિરીઝ સ્કેમ 1992માં હર્ષદ મહેતાનું પાત્ર ભજવીને લોકપ્રિય બન્યો હતો. તેણે શોમાં પ્રખ્યાત ડાયલોગ “રિસ્ક હૈ તો ઇશ્ક હૈ” પણ સંભળાવ્યો હતો અને અમિતાભ પણ આ દરમિયાન ઉત્સાહમાં દેખાય હતા. પ્રતીકે વાતચીત દરમિયાન તેની સિરીઝનો ડાયલોગ બોલતા કહ્યું હતું કે “લોચા-લફડા ઔર જલેબી ફાફડા કૉ ગુજરાતી કઈ લાઈફ સે કોઈ નહીં નિકાલ સકતા” ત્યારે બચ્ચને જવાબમાં તેમને કહ્યું કે આ બધી ડાયલોગબાજી છે. આ સમયે, અભિનેતાએ સ્કેમ 1992નો તેનો પ્રખ્યાત સંવાદ સંભળાવ્યો હતો.
પ્રતિક અને પંકજની જીતની રકમ પંડિત બનારસ તિવારી હેમનવંતી દેવી ફાઉન્ડેશન અને મુકુલ ટ્રસ્ટને જશે. કૌન બનેગા કરોડપતિનો આ ખાસ એપિસોડ 1 ઓક્ટોબરે રાત્રે 9 વાગ્યે પ્રસારિત થશે.
ઉલ્લેખનીય છે કે ગયા અઠવાડિયે, કેબીસી 13માં સુનીલ શેટ્ટી અને જેકી શ્રોફનું આવ્યા હતા અને આઅ બંને અભિનેતાએ તેમના બાળપણ, મિત્રતા અને તેમની ફિલ્મી કારકિર્દી વિશે ઘણા અંગત કિસ્સા શેર કર્યા હતા. જેકીએ શેર કર્યું કે જ્યારે તે હજુ પણ નવોદિત હતો, તે એક વખત અમિતાભ બચ્ચનનો ઓટોગ્રાફ મેળવવા માંગતો હતો અને જ્યારે તે બિગ બી તરફ ચાલતો હતો, ત્યારે અભિષેક અને શ્વેતા બચ્ચન તેનો ઓટોગ્રાફ મેળવવા તેની પાસે દોડી ગયા હતા.