માસ્ટર શૅફ ઇન્ડિયાના સ્પર્ધક ‘ગુજ્જુ બેન’ ઉર્ફે ઉર્મિલા આશરનું 79 વર્ષની વયે નિધન

Masterchef India fame Gujju ben: તેઓ 2023 માં માસ્ટરશૅફ ઇન્ડિયાની સૌથી લોકપ્રિય સ્પર્ધકોમાંના એક હતા. પહેલા બહાર થયા હોવા છતાં, ગુજ્જુ બેને તેમના ખુશખુશાલ વ્યક્તિત્વ અને હાર્ટવોર્મિંગ જીવનકથા માટે દર્શકોનો ખૂબ પ્રેમ મેળવ્યો હતો.

ઉર્મિલા જમનાદાસ આશર ઉર્ફે ‘ગુજ્જુ બેન’ (તસવીર: મિડ-ડે)

ઉર્મિલા જમનાદાસ આશર, જે ‘ગુજ્જુ બેન’ તરીકે પ્રખ્યાત થયા હતા તેમનું સોમવારે મુંબઈમાં 79 વર્ષની વયે અવસાન થયું. તેઓ 2023 માં માસ્ટરશૅફ ઇન્ડિયાની સૌથી લોકપ્રિય સ્પર્ધકોમાંના એક હતા. પહેલા બહાર થયા હોવા છતાં, ગુજ્જુ બેને તેમના ખુશખુશાલ વ્યક્તિત્વ અને હાર્ટવોર્મિંગ જીવનકથા માટે દર્શકોનો ખૂબ પ્રેમ મેળવ્યો હતો.

‘ગુજ્જુ બેન’ તરીકે પ્રખ્યાત ઉર્મિલા જમનાદાસ આશરના મૃત્યુના સમાચાર એક ઇન્સ્ટાગ્રામ પોસ્ટ દ્વારા શૅર કરવામાં આવ્યા હતા. પોસ્ટમાં કહેવામાં આવ્યું હતું કે "79 વર્ષની ઉંમરે, તે હિંમત, આનંદ અને મોડા ખીલેલા સપનાઓનું પ્રતીક બની ગયા. તેમણે અમને યાદ અપાવ્યું કે શરૂઆત કરવામાં, સ્માઇલ કરવામાં, પ્રેરણા આપવામાં ક્યારેય મોડું થતું નથી. તેમના રસોડાથી તમારા હૃદય સુધી, તેમની હૂંફ, હાસ્ય અને જ્ઞાનથી જીવન બદલાઈ ગયું છે,"

"આપણે તેમને આંસુઓથી નહીં, પરંતુ તેમણે આપણને બતાવેલી શક્તિથી યાદ કરીએ. નિર્ભય રહેવાની શક્તિ. સંપૂર્ણ પ્રેમ કરવા માટે. આનંદથી જીવવા માટે. બાની યાત્રા અહીં સમાપ્ત થતી નથી - તે તેમણે સ્પર્શ કરેલા દરેક વ્યક્તિમાં, તેમણે શૅર કરેલા દરેક હાસ્યમાં અને તેમણે પ્રેરણા આપેલા દરેક આત્મામાં રહે છે. અમે તેમના પ્રકાશને આગળ લઈ જઈશું," પોસ્ટમાં ઉમેર્યું.

મંગળવારે સવારે મુંબઈના ચંદનવાડી સ્મશાનગૃહમાં તેમના પાર્થિવ પર અંતિમ સંસ્કાર કરવામાં આવ્યા. ઉર્મિલાની વાર્તા હૃદયદ્રાવક હતી અને તેમણે જીવનમાં ઘણી પીડાનો સામનો કર્યો હતો. તેમણે તેમના ત્રણ બાળકોને એક દુ:ખદ રીતે ગુમાવ્યા, જેમાં તેમની 2.5 વર્ષની પુત્રી ઇમારત પરથી પડી ગઈ, તેમના મોટા પુત્રનું મગજની ગાંઠથી મૃત્યુ થયું અને તેમના નાના પુત્રનું હૃદય બંધ થવાથી મૃત્યુ થયું. બધા દુ:ખ છતાં, તેઓ મજબૂત રહ્યા અને તેમના પૌત્ર હર્ષને મદદ કરી, જે એક અકસ્માત પછી ડિપ્રેશનમાંથી પસાર થયો હતો.

તેઓએ સાથે મળીને "ગુજ્જુબેન ના નાસ્તા" નામનો એક નાનકડો ખાદ્ય ઉદ્યોગ શરૂ કર્યો, જે મુંબઈમાં ઘરે બનાવેલા નાસ્તા અને ભોજન પહોંચાડતો હતો. ઉર્મિલાના રસોઈ પ્રત્યેના પ્રેમ અને સકારાત્મક વલણે તેમના વ્યવસાય અને જીવનની વાર્તાને ખાસ બનાવી.

ગુજરાતી મિડ-ડે ડોટ કોમની વન્ડર વુમન કૉલમમાં પોતાની જર્ની વિશે વાત કરતાં વર્ષનાં ઊર્મિલાબહેને કહ્યું હતું કે તેમનો જન્મ મુંબઇમાં જ કાલબાદેવી ખાતે થયો. પોતાના બાળપણની ગલીઓને યાદ કરતાં તેઓ ગુજરાતી મિડ-ડે ડૉટ કૉમને કહે છે કે, "મને પહેલેથી જ રસોઈનો ઘણો શોખ. ઘરમાં તો બનાવતી જ. પણ ક્યારેક રસોઈ કે નાસ્તાનાં સમયે કોઈના ઘરે જતી તો ત્યાં રસોઈમાં તેઓને મદદ પણ કરતી. એટલએ કે રોટલી વણી આપીએ કે એમ. એ લોકો કયા મસાલા વાપરે છે? એ બધુ બરાબર જોતી, શિખતી. મને નાનપણથી જ નવું નવું શીખવાનો શોખ"