આજની રેસિપી : દૂધીની ખીર

દૂધી, દૂધ, સાકર અને ડ્રાયફ્રૂટ્સથી બનાવાતી દૂધીની ખીર સ્વાદિષ્ટ અને સરળ મીઠાઈ છે. એલચી, જાયફળ અને કેસરનો સ્વાદ ખીરમાં ખાસ સુગંધ અને રિચ ટેસ્ટ ઉમેરે છે.

આજની રેસિપી : દૂધીની ખીર

સામગ્રી : ૨૫૦ ગ્રામ દૂધી, અડધો લીટર દૂધ, ૧૦ ટેબલસ્પૂન સાકર, પા ચમચી એલચી પાઉડર, પા ચમચી જાયફળ પાઉડર, એક મોટી ચમચી ડ્રાયફ્રૂટ્સ (બદામ, કાજુ, પિસ્તા), બેથી ત્રણ કેસરના તાંતણા
બનાવવાની રીત : દૂધીને થોડું પાણી નાખીને બાફી લો. એમાંથી પાણી નિતારીને મિક્સરમાં પીસી લો. હવે એક કડાઈમાં દૂધીની પેસ્ટ અને દૂધમાં સાકર નાખીને પાંચથી ૭ મિનિટ ઉકાળો. ઉકાળતી વખતે સતત હલાવતા રહો. થોડુંક ઘાટું દૂધ થાય એટલે એમાં ડ્રાયફ્રૂટ્સ, જાયફળ, એલચી અને કેસર નાખીને એક મિનિટ ઉકાળો. 
નોંધ ઃ દૂધીની ખીર ગરમાગરમ અને ઠંડી બન્ને રીતે સર્વ કરી શકાય છે.