18 February, 2026 12:38 PM IST | Mumbai | Gujarati Mid-day Correspondent
કૉર્ન પાંઉભાજી વિધાઉટ પટેટો
સામગ્રી: બે કાંદા, ૩ ટમેટાં, ૨ લીલાં કૅપ્સિકમ, ૧ વાટકો બાફેલા વટાણા, ૧ વાટકો બાફેલા કૉર્ન, ૪થી ૫ કળી લસણ, ૨ મરચાં, ૨ ચમચી કાજુની પેસ્ટ, મીઠું, લાલ મરચું, જીરું, પાંઉભાજી મસાલો, કોથમીર.
રીત : કડાઈમાં ૨ ચમચી ઘી ને ૨ ચમચી તેલ મૂકી એમાં જીરું નાખવું. કાંદા નાખીને સાંતળવું. લસણ અને મરચાની પેસ્ટ નાખીને સાંતળવું. પછી કૅપ્સિકમ નાખવાં. બધું સંતળાઈ જાય એટલે ટમેટાના ટુકડા નાખીને ચડવા દેવું. પછી એમાં મીઠું, મરચું, પાંઉભાજી મસાલો અને કાજુની પેસ્ટ નાખવી. થોડું પાણી નાખી મસાલા ચડવા દેવા. છેલ્લે બાફેલા વટાણા અને કૉર્ન નાખવા. કોથમીર નાખી ગરમાગરમ સર્વ કરવું.
નોંધ : આ ભાજી તમે રોટી, પરાઠા ને પાંઉ બધા સાથે સર્વ કરી શકો છો.
