આજની રેસિપી: મૅન્ગો કોકોનટ બરફી

મૅન્ગો કોકોનટ બરફી

સામગ્રી : ૨ નંગ પાકેલી મીઠી આફૂસ કેરી, ૨ મોટા ચમચા ઘી, ૧ કપ ફ્રેશ ખમણેલું કોકોનટ, ૧/૨ કપ દૂધ, ૧૦૦ ગ્રામ મોળો માવો, ૩/૪ કપ સાકર, ૧/૨ ચમચી એલચી પાઉડર, ૩/૪ કપ મિલ્ક પાઉડર, ૩ મોટા ચમચા કાજુ

બનાવવાની રીત : આફૂસ કેરીને ધોઈને, છાલ કાઢીને, ગર કાઢીને મિક્સરમાં પલ્પ કરો. નૉન-સ્ટિક પૅનમાં એક મોટો ચમચો ઘી નાખીને કોકોનટને ૩ મિનિટ શેકો. હવે એમાં દૂધ અને ખમણેલો માવો ઉમેરીને એ પીગળે એટલે સાકર અને એલચી નાખો. એમાં એક કપ મૅન્ગો પલ્પ ઉમેરીને ૩ મિનિટ ધીમી આંચ પર હલાવતા રહો. પછી મિલ્ક પાઉડર નાખો. આ મિશ્રણને ૧૦ મિનિટ માટે ગૅસની લો ફ્લેમ પર સતત હલાવતા રહો. મિશ્રણ સાઇડ છોડે અને ગોળાની જેમ ફરે એટલે એમાં બે ચમચી ઘી નાખીને ગૅસ બંધ કરો. ઘી લગાડેલી ટ્રેમાં આ મિશ્રણને સપાટ કરીને એક લેવલમાં સેટ કરો. એને ૩ કલાક ઠંડું થવા દો અને પછી ટુકડા કરો. એને કાજુથી ગાર્નિશ કરો. મૅન્ગો બરફીને માણો.