આજની રેસિપી: મૅન્ગો શીરો

મૅન્ગો શીરો

સામગ્રી : ૧ વાટકી રવો, ૧ વાટકી સાકર, ૧ વાટકી ઘી, બે વાટકી દૂધ, ૧ વાટકી પાણી, ૧ કેરીનો પલ્પ, કાજુ, બદામ, કિસમિસ, એલચીનો પાઉડર

ગાર્નિશિંગ માટે : બદામની કતરણ, કેરીના પીસ, ગુલાબની પાંદડી

બનાવવાની રીત : એક તપેલીમાં પાણી અને દૂધ મિક્સ કરીને ગરમ કરવા મૂકવું. કેરીનો પલ્પ બનાવીને રેડી રાખવો. એક કડાઈમાં ઘી મૂકીને રવો શેકવો. રવો શેકાઈ જાય એટલે એમાં ગરમ દૂધ અને પાણી નાખીને મિક્સ કરવું. પછી એમાં સાકર નાખવી અને સરખું મિક્સ કરીને લાસ્ટમાં કેરીનો પલ્પ નાખીને ઘી છૂટું પડે ત્યાં સુધી હલાવવું. એના પર બદામ, કાજુ, કિસમિસ અને એલચીનો પાઉડર નાખવો. શીરાને પ્લેટમાં કાઢીને ગુલાબની પાંદડી, બદામની કતરણ અને કેરીના પીસથી ડેકોરેટ કરીને સર્વ કરવો.